නොරච්චෝලේ ලක්විජය බලාගාරයේ මෙගා වොට් 300ක් ජනනය කරන එක් ජනන යන්ත්රයක් ප්රමාණවත් ගල් අඟුරු තොග නොමැතිකම හේතුවෙන් අක්රීය කිරීම ආරම්භ කර ඇති බවත් එය හෙට උදෑසන වන විට සම්පූර්ණයෙන්ම අක්රීය වනු ඇති බවත් විදුලි ඉංජිනේරු සංගමය පවසයි.
එය නැවත සක්රීය කරන දිනය තවමත් නොදන්නා නමුත් බරපතල ගල් අඟුරු හිඟය සැලකිල්ලට ගනිමින් දින 8-10 ක කාලයක කාලයක් අක්රීය කිරීමෙන් පසුව යළි ක්රියාත්මක වනු ඇතැයි උපකල්පනය කළ හැකි බව ද එම සංගමය කියයි.
ඒ අනුව මෙගා වොට් 300ක විදුලි හිඟය පියවා ගැනීමට මිල අධික තාප විදුලිය වෙත යෑමට සිදුවන බවත්, ජල විදුලිය කෙරෙහි බලධාරීන්ගේ අවධානය යොමු කළහොත් , ජල සංචිත අධික ලෙස අඩුවනු ඇති බවක් එම සංගමය පෙන්වා දෙයි..
ලංකා විදුලි ඉංජිනේරු සංගමය මෙම බරපතල ප්රශ්නය පසුගිය මාස කිහිපය පුරාම සාකච්ඡා කර තිබුණු නමුත් අවශ්ය ගල් අඟුරු තොග අවශ්ය පරිදි සපයා ගැනීමට බලධාරීන් අපොහොසත් වී ඇති බව සංගමය කියයි.
තවද, 2021 ඔක්තෝම්බර් මාසයේදී ලංකා විදුලි ඉංජිනේරු සංගමය විසින් අනතුරු ඇඟවූ පරිදිම 2022 මාර්තු සිට මැයි දක්වා කාලය තුළ දැවැන්ත විදුලි හිඟයක් ඇති වූ ආකාරය පෙන්වා දෙන එම සංගමය එවකට රජය එම අනතුරු ඇඟවීම් නැවත නැවතත් ප්රතික්ෂේප කළ ආකාරය සිහි කරයි.
විදුලි ඉංජිනේරු සංගමය කියන්නේ එම අනතුරු ඇඟවීම සිදුකරනු ලබන්නේ අවශ්ය ක්රියාමාර්ග ගෙන විශාල විදුලි කප්පාදුවක් වලක්වා ගැනීමේ අභිලාෂය මුල් කරගෙන බවය.
