-
ගල්කිස්ස උසාවි භූමියේ දී නීතිඥයා කළ හැසිරීම අසෝබනයි… අසික්කිතයි… ඔහු තමන් නිරුවත් වුනා පමණක් නොව මුලු නීතිඥ ප්රජාවම නිරුවත් කළා… නීතිඥයෙක් විදිහට තමන්ටත් ලජ්ජා බව පොලිස්පති කියයි…
ගල්කිස්ස උසාවි භූමියේ වියරුවෙන් හැසිරුණ නීතිඥවරයා තමන් නිරුවත් වුනා පමණක් නොව මුළු නීතිඥ ප්රජාවම නිරුවත් කළ බවත්, ඒ ශෝභන අශික්ෂිත හැසිරීමට නීතිඥයෙක් ලෙස තමන් ද දැඩි කණගාටුවට පත්වන බවත් පොලිස්පති ප්රියන් වීරසූරිය කීවේය.
ඔහු පැවසුවේ හෙට දිනයේ දී දැනට බන්ධනාගාරගතව සිටින පොලිස් නිලධාරියා වෙනුවෙන් නීතිඥයෙක් ඉදිරිපත් නොවේ නම් නීතිපතිවරයා සමග සාකච්ඡා කර රජයේ නීතිඥයෙක් ඉදිරිපත් කරවා ඉදිරි නඩු කටයුතු පවත්වාගෙන යෑමට කටයුතු කරන බවය.
පොලිස්පතිවරයා මෙසේත් කීවේය.
“නීතියේ ආප්තයක් තියනවා ඔබ කොච්චර උස උනත් ඔබට ඉහළින් තමයි නීතිය තිබෙන්නේ කියලා.”
“මා හිතන්නේ ඒ නීතිඥවරයාගේ හැසිරීමෙන් ඔහු නිරුවත් වුනා පමණක් නොවෙයි, සමස්ථ නීතිඥ ප්රජාවම නිරුවත් කළා. ඒ තරම් අශෝභනයි, අශික්ෂිතයි.. විශේෂයෙන්ම මමත් නීතිඥයෙක් වශයෙන් දැඩි අප්රසාදය සහ කණගාටුව පල කරනවා මෙවැනි නීතිඥයෙකුගේ හැසිරීම ගැන. “
“කෙසේ නමුත් අපක්ෂපාතී සාධාරණ පරීක්ෂණ පවත්වනවා. සියලු කටයුතු ඒ ආකාරයෙන් සිද්ධ වෙනවා. අපට පුද්ගලයා අදාල නෑ.”
පොලිස්පතිවරයා කීවේ දැනට රක්ෂිත බන්ධනාගාරගතව සිටින පොලිස් නිලධාරියා වෙනුවෙන් හෙට දිනයේ රජයේ නීතිඥවරයෙක් පෙනී සිටින බවය. හෙට දිනයේ මේ නඩු කටයුත්ත කැඳවීමේ දී නීතිපතිවරයා මැදිහත් වී නීතිපතිවරයාගේ සහායත් රජයේ සහායත් සහිතව අවශ්ය නීතිමය ක්රියාමාර්ග ගන්නා බවත් පොලිස්පතිවරයා කීවේය.
