සූරියවැව නුවන් ජයසේකර –
වන අලි ගම් වැදිමෙන් දින හතරක් තුළ සූරියවැව ප්රාදේශීය ලේකම් කොට්ඨාසයේ ගම්මාන රැසක නිවාස හා දේපළ රැසකට විශාල හානියක් සිදුව ඇති ජනතාව පවසති.
සූරියවැව ප්රාදේශීය ලේකම් බල ප්රදේශයට අයත් නමඩගස්වැව, වල්සපුගල උස්ගල, කොස්වගාව, මොරකන්දයාය, අන්දරවැව, වැවේගම, වැලිවැව, හස්තිපුර ඇතුළු ගම් රැසකට මෙලෙස වන අලින්ගෙන් දැඩි හානි සිදුව තිබේ.
ගෙවුණු දින හතරකදි පමණක් කෙසෙල් ඇතුළු විවිධ වගා භූමි අක්කර හයකට ආසන්න ප්රමාණයක් වන අලි සම්පුර්ණයෙන්ම විනාශ කර දමා ඇති බවත්, නිවාස 03ක් සම්පූර්ණයෙන්ම කඩා දමා ඇති බවත් හා තවත් නිවාස 05කට පමණ අර්ධ හානි සිදුකර ඇති බවත් ජනතාව පවසති.
මිට අමතරව වන අලි රංචු පිටින් ගම්වැදීම නිසා විවිධ දේපළ හානි රැසක් ඇතුළුව පොල්, තක්කාලි, වම්බටු ඇතුළු අක්කර 05ක පමණ ප්රමාණයක වගා රැසකටද වන අලි අර්ධ වශයෙන් හානි සිදුකර ඇතිබවත් ජනතාව පවසති.
දිනපතා වන අලි රංචු පිටින් ගම් වදින බවත් එලෙස කඩා වදින වන අලි එළවා දැමීම දැඩි අසීරු ක්රියාවක් බවට පත්ව ඇති බවත් ජනතාව පවසති.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
ගෙවුණු මාස තුනක පමණ කාලය තුළදි පමණක් සූරියවැව ජීවිත දෙකක් වන අලින්ට බිලි වි ඇති අතර වන අලි පහර දීමෙන් පුද්ගලයන් 05 දෙනෙකු තුවාල ලබා තිබේ.
