ගම්පහ අකරවිට වෙඩි තැබීමකින් පුද්ගලයින් දෙදෙනෙක් තුවාල ලබා තිබේ. පොලිසිය පැවසුවේ තුවාල ලැබූ පුද්ගලයින් ගම්පහ මහ රෝහලට ඇතුළත් කළ බවය.
වෙඩිකකරුවන් විසින් ඉලක්ක කර තිබුණේ යතුරුපැදි අමතර කොටස් අලෙවි කරන වෙළෙඳසලක සිටි පුද්ගලයින් දෙදෙනෙකි. යතුරුපැදියකින් පැමිණි නාඳුනන පුද්ගලයින් දෙදෙනෙක් පිස්තෝල අවියකින් මෙම වෙඩි තැබීම සිදුකර තිබේ.
වෙඩි වැදුන පුද්ගලයින්ගේ තත්ත්වය බරපතල නොවන බව පොලිසිය පවසයි.
වෙඩිතැබීමේන් තුවාල ලබා ඇත්තේ, 36 හැවිරිදි චාමර නදි සදරැවන් නැමැති යතුරුපැදි අලෙවිසැලේ හිමිකරු සහ 30 හැවිරිදි අසිත දේවින්ද නැමැති යතුරුපැදි අලෙවිසැලේ සහයකයාය.
මෙම යතුරපැදි අලෙවිසැලේ හිමිකරු සංවිධානාත්මක අපරාධකරුවකු වන කෙහෙල්බද්දර පද්මේ යන අයගේ සබඳතාවය සහිත පුද්ගලයෙක් බවත් ඔහුට ගණේමුල්ල සංජීවගේ මත්ද්රව්ය ව්යාපාරය සිදු කරනු ලබන තම්මිට සුමිත් නමැත්තා විසින් එම ව්යාපාරය නතර කරන ලෙස තර්ජනය කර ඇති බව සඳහන්ය.
ඒ හේතුව මත මෙම වැඩිතැබීම තම්මිට සුමිත් නමැත්තා විසින් මෙහෙයවා සිදුකර ඇති බවට වාර්තා වේ.
