ගණේමුල්ල සංජීව ඝාතනය සම්බන්ධයෙන් තවත් පුද්ගලයින් 20 දෙනෙකුගෙන් පමණ ප්රකාශ සටහන් කර ගැනීමට නියමිත බව කොළඹ අපරාධ කොට්ඨාශය පවසයි.
මෙම ඝාතනය සම්බන්ධයෙන් දැනට අත්අඩංගුවට ගෙන ඇති සැකකරුවන් සංඛ්යාව 8කි.
පසුගිය පෙබරවාරි 19 වැනිදා කොළඹ අලුත්කඩේ උසාවි සංකීර්ණයේ අංක 5 මහේස්ත්රාත් අධිකරණ ශාලාව තුළදී ගණේමුල්ලේ සංජීව හෙවත් සංජීව කුමාර සමරරත්න වෙඩි තබා ඝාතනය කළේය.
වෙඩි තැබීම සිදුවන අවස්ථාවේ අධිකරණ ශාලාවේ සිටි සැකකරුවන් කිහිප දෙනෙකුගෙන් ප්රකාශ සටහන් කර ගැනීමට නියමිත බව ද කොළඹ අපරාධ කොට්ඨාසය කීවේය.
මේ වන විට වෙඩි තැබීම සිදුවන අවස්ථාවේ අධිකරණයේ සිටි විශේෂ කාර්ය බළකායේ සාමාජිකයන්, ආරක්ෂක නිලධාරීන්, පොලිස් නිලධාරීන් ඇතුළු පුද්ගලයන් 40 දෙනකුගෙන් පමණ ප්රකාශ සටහන් කරගෙන ඇත.
මේ අතර ගණේමුල්ල සංජීව ඝාතනය සම්බන්ධයෙන් අත්අඩංගුවට ගත් තවත් සැකකරුවන් තිදෙනෙකු මාර්තු 07 වැනිදා දක්වා රක්ෂිත බන්ධනාගාර ගත කිරීමට කොළඹ ප්රධාන මහේස්ත්රාත් තනුජා ලක්මාලි ම ඊයේ නියෝග කළාය.
