ශ්රියානි විජේසිංහ –
රුපියල් මිලියන 65ක මුදලක් වාර්ෂිකව වැය කර විදේශයන්ගෙන් මෙරටට ආනයනය කළ ඖෂධයක් මෙරට නිෂ්පාදනය කර වෙළදපොලට නිකුත් කිරිමට අද (16) පෙරවරුවේ රාජ්ය ඖෂධ නිෂ්පාද සංස්ථා පරිශ්රයේදී ඖෂධ නිෂ්පාදන සැපයුම් හා නියාමන රාජ්ය අමාත්ය මහාචාර්ය චන්න ජයසුමනගේ ප්රධානත්වයෙන් සිදු කෙරුණි.
ස්නායු රෝගීන් සදහා ලබා දෙන “ගැබාපෙන්ටින්” නැමැති ඖෂධය මෙසේ නිෂ්පාදනය කල බව සංස්ථාව සදහන් කරයි.
මෙම ඖෂධය මෙරටට ආනයනය කිරිම සදහා පෞද්ගලික අංශය වාර්ෂික රුපියල් මිලියන 50ක් වැය කල අතර රාජ්ය අංශය මිලියන 15ක් වැය කර ඇති අතර මින් ඉදිරියට එම මුදල් ඉතිරිකර ගත හැකි බවද ඇමතිවරයා සදහන් කරයි.
මින් ඉදිරියට විදේශයන්ගෙන් ගෙන්වන තවත් බොහෝ ඖෂධ මෙරටට තුළ නිෂ්පාදනය කරන බවද ඇමතිවරයා අවදාරණය කරයි.
මෙම ඖෂධය නිකුත් වෙළදපොලට නිකුත් කිරිමේ අවස්ථාවට ළමා ස්නායු රෝග විශේඥ අනුරුද්ධ පාදෙනිය ද සහභාගි විය.
