කොළඹ ජාතික රෝහලේ විශේෂඥ ස්නායු ශල්ය වෛද්යවරුන් අතර ඇති වී තිබෙන ගැටුමක් හේතුවෙන් අත්යවශ්ය ස්නායු ශල්යකර්ම සඳහා ශල්යාගාර වෙන් කරගත නොහැකි වී ඇති බවත් මේ හේතුවෙන් රෝගීන් ජීවිතවලින් වන්දි ගෙවමින් ඇති බවත් රෝහල් අභ්යන්තර ආරංචි මාර්ග කියයි.
ස්නායු ශල්ය ඒකකයට ශල්යාගාර හතරක් ඇතත් ක්රියාත්මක වන්නේ දෙකක් පමණක් බවත් ඒ ශල්යාගාර මොළයේ හදිසි ශල්යකර්ම සඳහාය යොදා ගන්නා අතර අනෙක් ශල්යාගාර දෙක විශේෂඥ ස්නායු ශල්ය වෛද්යවරුන් දෙදෙනෙකුගේ අභිමතය පරිදි පරිපාලනය වන බවත් එම ආරංචි මාර්ග හෙළි කරයි.
මේ වනවිටත් වාට්ටු අංක 72 හි 17 හැවිරිදි දරුවෙක් ස්නායු රජ්ජුවට L 01 මට්ටමේ හානියක් සිදුවීම නිසා පැය 24ක් තුළ අත්යවශ්ය ශල්ය කර්මයක් කළ යුතු මට්ටමක සිටියත්, ඔහුගේ ශල්යකර්මය නොකෙරෙන තත්ත්වයක් තුළ ඔහු ඛේදවාචකයට මුහුණ දී ඇතැයි වාර්තා වේ.
මේ දරුවාගේ ශල්යකර්මය නිසි කාලය තුළ සිදු නොවනහොත් ඔහුගේ දෙපා පණ නැතිව ගොස් සදාකාලික අබ්බගාතයෙක් වීමේ අවදානමක් ඇතැයි විශේෂඥ මතය වී තිබේ.
මේ පිළිබඳව ජාතික රොහලෙන් කළ විමසීමකදී රෝහල් ප්රකාශකයෙක් ලංකාසර වෙත ප්රකාශ කළේ සියලුම ශල්යාගාර පැය 24ම රාජකාරි කරන බවත් සාමාන්ය සම්ප්රදාය අනුව රෝගියා රෝහල්ගත කරන අවස්ථාවේ ඒ රෝගියා යොමුවන විශේෂඥ ශල්ය වෛද්යවරයාම එම ශල්ය කර්මය කළ යුතු බවත්ය.
වෙනත් විශේෂඥ ශල්ය වෛද්යවරුන් තවත් විශේෂඥ ශල්ය වෛද්යවරයෙකුගේ යටතේ සිටින රෝගීන් සම්බන්ධ වගකීම් නොදරන බවය. මෙම රෝගී තරුණ දරුවාට සිදුවී ඇත්තේ එවැනි තත්ත්වයක් විය හැකි බවද රෝහල් ආරංචි මාර්ග කියයි.
