සෞඛ්ය අමාත්යංශයේ වෛද්ය සැපයුම් අංශයේ ගබඩා සංකීරණ ධාරිතාව පුළුල් කිරීම සඳහා විද්යානුකූල තාක්ෂණික විමර්ශනයකින් පසු තෝරාගත් වේයන්ගොඩ ගබඩාව ප්රතික්ෂේප කරමින් ශාවස්ත්රිපුර වී අලෙවි මණ්ඩලයේ ගබඩාවක් ඒ සඳහා තෝරාගැනීමත් සමග වෛද්ය සැපයුම් අංශයට බරපතල දුෂ්කරතා රැසකට මුහුණ දීමට සිදු වී ඇතැයි වාර්තා වේ.
වෛද්ය සැපයුම් අංශ තාක්ෂණික කමිටුවක් විසින් වේයන්ගොඩ ගබඩාව තොරාගෙන තිබුණේ විශේෂ කාරණා ගණනාවක් සැලකිල්ලට ගනිමිනි. පසුගිය රජය සමයේ වෛද්ය සැපයුම් අංශයේ ප්රධාන ගබඩා සංකීර්ණය ස්ථානගත කර තිබුණේ කොටිකාවත්තේය. ඒ වකවානුවේ ගැලූ විශාල ගංවතුර හේතුවෙන් මෙම ගබඩාව යට වී රුපියල් කොටි ගණනක බෙහෙත් විනාශ වී ගියේය. නව ගබඩා සංකීර්ණය පුළුල් කරද්දී මේ අත්දැකීම් ද සැලකිල්ලට ගෙන, ස්වභාවික උවදුරු අවම, කටුනායක ගුවන්තොටුපලට පහසුවෙන් ප්රවේශ සපයන, පරිසර හා භූගෝලීය තත්වයන් කළමණාකරණය කරගත හැකි ස්ථානයක් සොයන විට වේයන්ගොඩ ගබඩාව ඊට උචිතම ස්ථානය බව තාක්ෂණික කමිටුව නිර්දේශ කර තිබිණි.
එහෙත් මේ තෝරා ගැනීමට එරෙහි වූ ඖෂධ සැපයුම් සහ නියාමනය පිළිබඳව රාජ්ය අමාත්ය මහාචාර්ය චන්න ජයසුමන ප්රධාන ගබඩා සංකීර්ණය ශාවස්ත්රිපුර වී අලෙවි මණ්ඩල ගබඩාවක් වෙත රැගෙන ගොස් ඇති බවට සෞඛ්ය අංශ චෝදනා කරයි. ඔවුන් පවසන්නේ එය අනුරාධපුර ප්රදේශයට බෙහෙත් ගබඩාවක් රැගෙන එන බවට විශාල පූර්ව ප්රචාරයක් ද ලබා දුන් බවය.
“ දැන් කොළඹ වරායෙන්, කටුනායකින් රිලිස් කරන බෙහෙත් තොග මරදානට ගෙනත් මරදානෙන් කෝච්චියෙ පටවලා අනුරාධපුර ශාවස්ත්රිපුරට යවනවා… මේක වී අලෙවි මණ්ඩල ගබඩාවක්. මේ ගබඩාව ටකරන් වලින් හදලා තියෙන්නෙ වී පුස් කනවට ඇතුළෙ උෂ්ණත්වය වැඩි වෙන විදිහට. බෙහෙත් ගබඩාවකට කොහෙත්ම සුදුසු නෑ. බෙහෙතක ගුණාත්මක අගය ආරක්ෂා කිරීම සඳහා බෙහෙතක් ප්රවාහනය කරනකොට ප්රවාහනය කරන උෂ්ණත්වය, ගබඩා කරන උෂ්ණත්වය ගැන අත්යාවශ්ය නියමන් තියනවා. ඒ මූලික නියමයම මෙතන ඉවරයි. බෙහෙත ගුණාත්මකව මුළුමනින්ම විනාශයි.
දෙවෙනි කාරණාව දැන් කොළඹ ඉඳන් ශාවස්ත්රිපුරට පටවපු බෙහෙත් කොළඹ හොස්පිට්ල් වලට ගන්න කොළඹ ඉඳන් ලොරි ශාවස්ත්රිපුරට එනවා… ඒ ලොරිවලින් ආපහු බෙහෙත් කොළඹ අදිනවා… මේ වෙන ප්රවාහන වියදම විතරක් ගණන් කරලා බලන්න. “
වෛද්ය සැපයුම් අංශයේ ප්රකාශකයෙක් ලංකාසරට පැවසීය.
මේ පිළිබඳව ඖෂධ සැපයුම් පිළිබඳව රාජ්ය අමාත්ය මහාචාර්ය චන්න ජයසුමන මහතාගෙන් ද ලංකාසර විමසීය. එහිදී මහාචාර්ය ජයසුමන ප්රකාශ කළේ අනුරාධපුර ශ්රාවස්තිපුර වී අලෙවි මණ්ඩල ගබඩාවට මෙම ඖෂධ ගබඩා කිරීමට ගත් තීරණය ඉතා නිවැරදි එකක් බවයි. එය අනුරාධපුරයට ගෙන යාම තම පෞද්ගලික තීරණයක් නොවන බවත් එයින් තමාට විශේෂ වාසියක් අත් නොවන බවත් ප්රකාශ කළ රාජ්ය අමාත්යවරයා මෙම ගබඩාවේ දැනට විශාල වශයෙන් ගබඩා කරන්නේ සේලයින් සහ වගුකඩු රෝගීන්ගේ පරිතාන කාන්දුකරණ උපකරණ කට්ටල ඇතුළු ඖෂධ බවත් මෙම ඖෂධ එතැන සිට උතුර, උතුරුමැද සහ නැගෙනහිර වැනි පළාත්වලට පහසුවෙන් බෙදා හළ හැකි බවත් ප්රකාශ කළේය.
දුම්රියෙන් මෙම දුව්ය අඩු වියදමකින් කොළඹ සිට ප්රවාහනය කරන අතර යළි ඒවා කොළඹට අනුරාධපුරයේ සිට ප්රවාහනය කිරීමක් සිදු නොවන බවත් කොළඹට අවශ්ය දුව්ය කොළඹ පිහිටි ගබඩාවල තැන්පත් කෙරෙන බව ඔහු ප්රකාශ කළේය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
වේයන්ගොඩ ගබඩාවක් තාක්ෂණික කමිටුව විසින් තෝරා ගෙන තිබියදී එය ලබා නොගැනීම පිළිබඳ ව කෙරෙන ප්රකාශයට පිළිතුරු දුන් අමාත්යවරයා පැවසූයේ සෞඛ්ය අමාත්යංශය එවැනි ගබඩාවක් තෝරා ගත්තද එය ඒ වනවිට පෞද්ගලික අංශය වෙත ලබා දී තිබුණු බවය. මේ නිසා එය ආපසු ලබා ගැනීමේ ප්රායෝගික අපහසුතාවක් පැවති බව සඳහන් කළ අමාත්යවරයා පැවසුයේ එය ලබා ගත්තද එයට රජයෙන් කුලී ගෙවීමක්ද කළ යුතු ව තිබූ බවය.
