COVID-19 එන්නත ලබාගත් කිරිදෙන මව්වරුන්ගේ මව්කිරිවල සැලකිය යුතු ප්රතිදේහ ප්රමාණයක් අඩංගු වන බැවින් කිරිබොන වයසේ ළදරුවන් වෛරසයෙන් ආරක්ෂා කර ගත හැකි බව නවතම අධ්යයනයකින් හෙළි වී තිබේ.
වෛද්ය විද්යා සඟරාවක ප්රකාශයට පත් කරන ලද මෙම පර්යේෂණයෙන් ඇඟවෙන්නේ ගර්භනී සහ කිරි දෙන කාන්තාවන්ට ප්රතිශක්තිකරණය ලබා ගැනීමට තවත් හේතුවක් වන එන්නත මඟින් මව සහ දරුවා යන දෙදෙනාම ආරක්ෂා කර ගත හැකි බවයි.
‘අපගේ සොයා ගැනීම්වලින් පෙනී යන්නේ එන්නත මඟින් මව්කිරි වල SARS-CoV-2 ට එරෙහි ප්රතිදේහ සැලකිය යුතු ලෙස වැඩි කරන බවත් එන්නත් කරන මව්වරුන්ට මෙම ප්රතිශක්තිය තම ළදරුවන්ට ලබා දිය හැකි බවත්ය’ යනුවෙන් එක්සත් ජනපදයේ ෆ්ලොරිඩා විශ්ව විද්යාලයේ ජේසප් ලාර්කින් පැවසීය.
පර්යේෂකයන් සඳහන් කළේ ළදරුවන් ඉපදෙන විට ඔවුන්ගේ ප්රතිශක්තිකරණ පද්ධතිය නොදියුණු වන අතර එමඟින් ආසාදනවලට තනිවම සටන් කිරීමට අපහසු වන බවයි. අනෙක් කරුණ නම් මෙවැනි එන්නතකට ප්රතිචාර දැක්වීමට තරම් ඔවුන් කුඩා වැඩි බවයි.
‘මෙම අවදානම් කාලය තුළදී, කිරි දෙන මව්වරුන්ට ළදරුවන්ට’ උදාසීන ප්රතිශක්තිය ‘ලබා දීමට මව් කිරි ඉඩ සලසයි,’ යනුවෙන් අධ්යයනයේ සම කර්තෘ හා ෆ්ලොරිඩා විශ්ව විද්යාලයේ මහාචාර්ය ජෝසෆ් නොයි පැවසීය.
“ළදරුවා ජීවිතය සඳහා සූදානම් කිරීමට උපකාරී වන විවිධ මෙවලම් වලින් පිරුණු මෙවලම් පෙට්ටියක් ලෙස මව් කිරි ගැන සිතන්න. එන්නත් කිරීම මෙවලම් පෙට්ටියට තවත් මෙවලමක් එක් කරන අතර එය COVID-19 රෝග වැළැක්වීමේදී විශේෂයෙන් හොඳ මෙවලමක් බව” නොයි පැහැදිලි කළේය.
