කොලොන්නාවේ ආපදාවට පත් නිවාස තිස් දහසක් ඇති නමුත් නිවාස සුද්ධ පවිත්ර කරගැනීම සඳහා ලබා දෙන රුපියල් විසි පන්දහසක මුදල ඊයේ හවස් වනවිටත් ලැබී තිබුණේ පවුල් නව දහසකට පමණක් බව එස්. එම්. මරික්කාර් මන්ත්රීවරයා අද ( 18) පාර්ලිමේන්තුවේ දී පැවසුවේය.
ඔහු කීවේ පවුල් තිස් දහසකට රුපියල් විසි පන්දහස බැගින් ලබා දිය නොහැකි ආණ්ඩුවක් රුපියල් පනස් දහස් ගණන්, දස ලක්ෂ ගණන් ලබා දීම පිළිබඳ පොරොන්දු අමු බොරු බවය. තවමත් කොළොන්නාවේ කුණු ටික ඇද ගැනීමට මේ ආණ්ඩුවට නොහැකි වී ඇති බව මරික්කාර් මන්ත්රීවරයා පැවසුවේය.
ඔහු මෙසේ ද කීවේය.
“මෙතන ඉන්නේ කතා පෙට්ටි. ඇවිදින පුස්තකාල. ගංවතුර බැහැලා ගිහිල්ලා සුමාන 02යි. තව බැරිවුනා කුණු ටික අස් කරගන්න. මිනිස්සුන්ට නැවත පදිංචියට ගෙවල්වලට යන්න බෑ. මදුරුවො පිරිලා. කුණු ගොඩවල් පිරිලා. විශේෂයෙන්ම බැන්ඩියාවත්ත, වෙන්නවත්ත, එගොඩකොලොන්නාව, වෙලේවත්ත, කිත්තන්පහුව වාගේ ප්රදේශවල ප්රදේශවලට ට්රැක්ටරයක් පේනවද නැද්ද කියලා මම දන්නේ නෑ. පිට පළාත්වලින් ට්රැක්ටර් ගේනවලු. බැකෝ ගේනවලු. ඒත් එකක්වත් පේන්න නෑ.
ඒ වගේම තමයි ගෙදරට යන මනුස්සයට සුද්ද කරන්න තමයි රුපියල් 25000 දෙනවා කිව්වේ. කොළොන්නාව ප්රාදේශීය ලේකම් කොට්ඨාසයේ දළ වශයෙන් 30000ක් ඉෆෙට් වෙලා තියනවා. ඊයේ හවස් වෙනකම් ගෙවලා තිබ්බේ 9000කට ආසන්න ප්රමාණයකට තමයි රුපියල් 25000 ගෙවලා තිබ්බේ.
එතකොට වියලි ආහාර සලාක දෙනවා කිව්වා. මම දන්නේ නෑ කොහෙන්ද කියලා. විසි පන්දාහක් පවුල් තිස් දාහකට ගෙවා ගන්න බැරි ආණ්ඩුව පනස් දාහක් දෙනවා කියනවා. ලක්ෂ පනහක් දෙනවා කිව්වා. ටකරම ගියත් අච්චර දෙනවා කිව්වා. හැබැයි මේ ඔක්කොම බොරු…
මම කියලා දෙන්නම් මේක බොරු කියලා. මට ආරංචි විදිහට කොළොන්නාව ප්රාදේශීය ලේකම් කොට්ඨාසයේ ආර්ධ හානි වෙච්චි ගෙවල් තියෙන්නේ තුන්දාහයි ලු. මේ හැම ගෙදරකටම අඩි 04 ඉඳලා 12 දක්වා වතුර ආවා. එතකොට 3000කට ද මේ පාඩුව දෙන්නේ. එතකොට ඉතිරි ගෙවල් 27000ට දෙන්නේ නැද්ද. කරන්නකො… එහෙම කරන්න ගියොත් සබ්බුව හම්බවෙයි.
මේ ගොල්ල එක මොන මීටිම කළත් ඒ ගොල්ල මීටිමට කලින් පැලවත්තෙන් තීන්දුව අරන් එන්නේ. මීටිම කරන්නේ බොරුවට. ඔළුව වන වන අහන් ඉඳලා ඒ ගොල්ල කරන්නේ හිතන් ආපු දේ. ඔහොම කළොත් ඇන ගන්නවා ඇනගන්නවාමයි… ෂුවර් ඇන්ඩ් ෂොට්… ඕක ලියලා තියාගන්න. “
මරික්කාර් මන්ත්රීවරයා කීවේය.
