රක්ෂිත බන්ධනාගාරගත කර සිටි හිටපු අමාත්ය කෙහෙළිය රඹුක්වැල්ල සහ ඔහුගේ පුත් රමිත් රඹුක්වැල්ල ඇප මත මුදා හරින ලෙස කොළඹ මහෙස්ත්රාත් අධිකරණය නියම කළේය.
අල්ලස් කොමිසම සහ විත්තියේ නීතිඥවරු ඉදිරිපත් කළ කරුණු සලකා බැලීමෙන් අනතුරුව කොළඹ ප්රධාන මහෙස්ත්රාත් තනූජා ලක්මාලී මෙම නියෝගය නිකුත් කළාය.
පැමිණිලි තුනකට අදාළව අල්ලස් කොමිසම මගින් අත්අඩංගුවට ගෙන අධිකරණයට ඉදිරිපත් කළ හිටපු අමාත්ය කෙහෙලිය රඹුක්වැල්ලත් ඔහුගේ පුත් රමිත් රඹුක්වැල්ලත් රක්ෂිත බන්ධනාගාරගත කරන්නේ මහජන මුදල් අයථා පරිහරණය සම්බන්ධ චෝදනාවකටය.
කෙහෙළිය රඹුක්වැල්ල සිය පෞද්ගලික කාර්යය මණ්ඩලය සඳහා පුද්ගලයින් 15 දෙනකු නම් කරමින් ඔවුන්ව පත් කරන ලෙස සිය අත්සනින් අමාත්යාංශ ලේකම්වරයා වෙත ලැයිස්තුවක් යොමු කර අනුමැතිය ලබාගෙන කිසි දිනයක අමාත්යාංශයේ සේවය නොකළ ඔවුන්ගේ වැටුල පිළිමතලාව ප්රදේශයේ පිහිටි පුද්ගලික බැංකුවක ගිණුමකට බැරකරගෙන ඇති බව අල්ලස් හෝ දූෂණ විමර්ශන කොමිසමේ නිලධාරීහු විමර්ශනවලදී හෙළි කරගෙන තිබිණි.
මෙම ගිනුමේ මුදල් පරිහරණය කර තිබුණේ කෙහෙළිය රඹුක්වැල්ලගේ එක් දියණියක විසිනි.
