මනම්පිටිය නිමල් ජයරත්න –
ඉතා සූක්ෂම ආකාරයෙන් පාසල් සිසුන් තම ත්රිරෝද රථයෙන් පැහැර ගෙන ගොස් එම සිසුන් අපයෝජනය කරන ලදැයි කියන පුද්ගලයකු පන්නල ප්රදේශයේ සැඟව සිටියදී අද (07) අත්අඩංගුවට ගත් බව පොළොන්නරුව අපරාධ කොට්ඨාස විමර්ශන අංශය සඳහන් කරයි.
ඉකුත් මැයි 13 වැලිකන්ද මනම්පිටිය මහවැව ගම්මානයේ අවුරුදු අටක් වයසති පාසල් දරුවකු පැහැරගෙන ගොස් ඇති බවට ඔවුන්ගේ දෙමාපියන් විසින් පොළොන්නරුව පොලිසියට කරන ලද පැමිණිල්ලක් අනුව මෙම සැකකරු පලාගොස් සිටියදී අත්අඩංගුවට ගත් බව කොට්ඨාස අපරාධ විමර්ශන අංශය සඳහන් කරයි.
ඒ අනුව මෙම පාසල් දරුවා කිහිපවරක් සැකකරුගේ අතින් අපයෝජනයට ලක්ව ඇති බවද පොලිසිය පවසයි.
අත්අඩංගුවට ගත් සැකකරු වැලිකන්ද මුතුවැල්ල ප්රදේශයේ පදිංචි 43 වියැති එක්දරු පියෙකු බවද පොලිසිය කියයි.
සැකකරු සතු ජංගම දුරකථනයේ youtube ගිණුමක් පවත්වාගෙන යමින් එහි අසභ්ය වීඩියෝ රැස් කර තිබෙන බවටද තොරතුරු අනාවරණය කරගෙන ඇති බවට පොලිසිය කියයි.
පාසල ඇරි බස් නැවතුම්පොලේ සිටියදී සැකකරු පාසල් දරුවා පැහැරගෙන ගොස් අවස්ථා කිහිපයකදී අපයෝජනයට ලක්කර ඇති බවට මූලික තොරතුරුවලින් අනාවරණය වී ඇති බවද ඒ පිළිබඳ පරීක්ෂණ සිදු කරන පොලිසියේ සඳහන් කරයි.
මෙම දරුවාට ටොෆි. චොකලට්, සහ සෙල්ලම්බඩු ලබා දී එම පාසල් දරුවා අපයෝජනය කිරීමෙන් පසු 14 අලුයම 2.00 ට දරුවාගේ නිවස අසලට ගෙනවිත් දමා ගොස් ඇති බවද පොලිසිය කියයි.
පොළොන්නරුව ජ්යෙෂ්ඨ පොලිස් අධිකාරි නිශාන් ද සිල්වාගේ උපදෙස් පරිදි පොළොන්නරුව මූලස්ථාන පරීක්ෂක ඩබ්ලිව්.ගුණරත්න, පොළොන්නරුව අපරාධ විමර්ශන අංශයේ ස්ථානාධිපති පොලිස් පරීක්ෂක සමීර මංජුලගේ මෙහෙයවීමෙන් 51176 සමන්ත, 68973 අතාවුද, 46461 සුමිත්, 68976 ජයවීර, 105578 කුමාර යන පොලිස් නිලධාරීහු මෙම මෙහෙයුම සිදුකළහ.
අත්අඩංගුවට ගත් සැකකරු ත්රිරෝද රථය සමඟ හෙට පොළොන්නරුව මහේස්ත්රාත් අධිකරණයට ඉදිරිපත් කිරීමට කටයුතු කරන බවද පොළොන්නරුව මූලස්ථාන පොලිසිය සඳහන් කරයි.
