මාතලේ දිස්ත්රික්කයේ ඇල්කඩුව වතුයායේ රත්වත්තේ වත්තේ දි ඇල්කඩුව වැවිලි සමාගමේ සාමාන්යාධිකාරී යුද හමුදා ස්වේච්ඡිා බල සේනාවේ මේජර් සුරේෂ් නවරත්නම් සහ ජල සම්පාදන සහ වතු යටිතල පහසුකම් සංවර්ධන ඇමැති ජීවන් තොන්ඩමන් අතර උණුසුම් තත්ත්වයක් ඊයේ (20) සවස ඇති වී තිබිණි.
මෙහි දී කැබිනට් ඇමතිවරයාත් ඔහුගේ ගෝල පිරිසත් අශ්ලීල ලෙස බැණ වදිමින් සැමාන්යාධිකාරීවරයාට පහර දීමට උත්සාහ කරන අතර කැබිනට් ඇමතිවරයාගේ මැර හැසිරීම ඔහුගේ ආරක්ෂකයින් විසින් සමථයකට පත් කරගන්නේ ඉතා අසීරුවෙනි.
“මේ උඹේ තාත්තගේ වත්ත කියලා හිතුව ද?. ඒව මෙහෙ තියාගන්න එපා…” ඇමතිගේ ගෝලයෝ ඇමති අභිබවා ගොස් ඇල්කඩුව වැවිලි සමාගමේ සාමාන්යාධිකාරීවරයාට තර්ජනය කර පහර දීමට උත්සාහ කරමින් පලවා හරින ආකාරය වීඩියෝගත වී තිබේ.
ඇමතිවරයා පවසන්නේ සහකාර කළමණාකරුවෙක් විසින් දුප්පත් පවුලකට හිරිහැර කරනු වීඩියෝ පටයක දැක එහි ගිය බවත්, වතු යායේ කළමනාකාරුගෙන් සහ සාමාන්යාධිකාරීවරයාගෙන් මේ සම්බන්ධව පියවරගන්නැයි කළ ඉල්ලීමට ඇහුමකන් දී එම සහකාර කළමනාකාරවරයා සේවයෙන් පහ කර සමාගම විපතට පත් පවුලට කණගාටුව ප්රකාශ කළ බවත්ය.
ඇමතිවරයාගේ තුට්ටු දෙකේ මැර හැසිරීම මෙම වීඩියෝ පටයේ පැහැදිලිව සටහන් වී ඇත. එම වීඩියෝ පටය පහත දැක්වේ.
