දිනසේන රතුගමගේ –
කැනඩාවේ සිට පැමිණි සිය මාමා විසින් රැගෙන එන ලද මත්පැන් බෝතලයක් හොරෙන් පන්නාගෙන ගියා පාසල් සිසුවෙක් සිය පාසල් මිතුරන් සිව් දෙනෙක් සමග එය පානය කිරීමෙන් අනතුරුව සිහිසුන් වී ඊයේ ( 11 ) යාපනය ශික්ෂණ රෝහලට ඇතුළත් කොට තිබේ.
එම මත්පැන් බෝතලය රැගෙන එන ලද එක් සිසුවෙකුගේ මාමා කෙනෙකු මත්පැන් බෝතලය නිවසේ තබා තිබියදී අදාල පාසල් සිසුවා එය හොරෙන් පාසලට රැගෙන ගොස් අතර මැද ස්ථානයක සඟවා ඇත.
සවස් කාලයේ උපකාරක පන්තිය හමාර වීමෙන් පසුව මත්පැන් බෝතලය විවෘත කොට මත්පැන් පානය කොට තිබේ.
ස්වල්ප වේලාවකදී සිසුන් හතර දෙනාම එක දිගටම වමනය කරන්නට පටන් ගෙන ඇති අතර ඔවුන් පාර අයිනේ සිහිසුන්ව ඇද වැටී තිබේ.
මහපාරේ ගිය එක් පුද්ගලයෙකු එක් සිසුවෙකුව හදුණාගෙන ඔහුගේ පියාට දුරකතන ඇමතුමක් ලබා දී ඇත.
එම පියා හා පාරේ ගිය පුද්ගලයා එක්ව සිසුන් හතර දෙනාව රෝහල් ගත කොට තිබේ.
සිද්ධිය සම්බන්ධයෙන් කෝපායී පොලීසිය පරීක්ෂණ ආරම්භ කොට ඇති අතර පොලීසිය හෙළි කර ගැනීමට උත්සහ කරන්නේ එම මත්පැන් බෝතලය සිසුවා විසින් සඟවා තැබු අවස්ථාවේදි ඊට කිසියම් පුද්ගලයෙකු යමක් මිශ්ර කොට ඇත්ද එසේත් නොමැති නම් කැනඩාවේ සිට පැමිණි පුද්ගලයා රැගෙන ආ මත්පැන් බෝතලය විෂ සහිත මත්පැන් බෝතලයක්ද යන්න නිශ්චය ලෙස හඳුණා ගැනීමටය.
පොලීසිය මේ වන විට කීප දෙනෙකුගෙන්ම ප්රකාශ සටහන් කරගෙන ඇති අතර රෝහල් ගත කළ සිසුන් හතර දෙනට මේ වන විට මනා සිහිය ලැබී තිබේ.
