කනිෂ්ඨ රෝහල් සේවකයෙක්වන සැමියාගේ අසනීප තත්ත්වයක් දුරු කිරීම සඳහා මහනුවර ජාතික රෝහලේ කණිෂ්ඨ රෝහල් සේවිකාවකගෙන් රුපියල් පනස් දහසක් වටිනා රන් සුරයක් සමඟ මුදලින් රුපියල් දස දහසක් ලබා ගත් කට්ටඬියෙක් මුදල් සහ රන් සුරය ලබා ගත් දින සිට එය ලබා දුන් තැනැත්තිය මග හැර වංචා කිරීම හේතුවෙන් පොලිසිය විසින් අද (27) දහවල් අත් අඩංගුවට ගෙන තිබේ.
අදාල කපුවා තමන් ට කඩිනමින් සහනයක් ලබාදෙන ලබා දෙන බව පැවසුවත් අදාළ කාර්යය ඉටුකර දීම දිගින් දිගටම පැහැර හරිමින් තමන්ගෙ දුරකථන ඇමතුම් වලට පවා පිළිතුරු දීම මගහැරිම නිසා එමම රෝහල් සේවිකාව විසින් පේරාදෙණිය පොලිසිය වෙත කරන ලද පැමිණිල්ලකට අනුව උඩුනුවර ප්රදේශයේ දේවාලයක් කරගෙන යන සැකකාර කට්ටඬියා අත්අඩංගුවට ගෙන ඇත.
දේවාලය තුළ ජීවම් කරන ලද තෙල් විශේෂයක් සුරය තුළට දමා කඩිනමින් විසඳුම් ලබාදෙන බව පැවසුවත් කපුවා අදාළ කාර්යය ඉටුකර නොදී තමන්ගෙ දුරකථන ඇමතුම් වලට පවා පිළිතුරු දීම මගහැරි බව කාන්තාව වැඩිදුරටත් පොලිසියට පවසා තිබේ.
පොලිසිය කපුවා පේරාදෙණියට ගෙන්වාගෙන අනතුරුව අත්අඩංගුවට ගෙන ඇත. සැකකරු මහනුවර අධිකරණය වෙත ඉදිරිපත් කිරීමට නියමිතය.
පේරාදෙණිය පොලිසිය වැඩි දුර පරීක්ෂණ පවත්වයි.
