පාස්කු ප්රහාරයට අදාල විමර්ශන ප්රගතිය පිළිබඳ සාකච්ඡා කිරීම මුල් කරගෙන ජනාධිපතිවරයා සහ කාදිනල් හිමි අතර අද ( 19) උදේ පැවති හමුවේ දී සාධනීය කරුණු ගණනාවක් සම්බන්ධව ජනාධිපතිවරයාගෙන් යහපත් ප්රතිචාර ලැබුණු බව විශේෂ මාධ්ය හමුවක් කැඳවමින් රොහාන් ද සිල්වා පියතුමා ප්රකාශ කළේය.
එම හමුව පිලිබඳ මාධ්යයට අදහස් දක්වමින් රොහාන් ද සිල්වා පියතුමා පැවසුවේ විමර්ශන නිවැරදි දිශානතියට යොමු කිරීම සඳහා කළ ඉල්ලීම් සඳහා ජනාධිපතිවරයාගේ ධනාත්මක ප්රතිචාර බෙහෙවින්ම අගය කරන බවය.
මාධ්ය අමතමින් රොහාන් ද සිල්වා පියතුමා මෙසේ ද පැවසුවේය.
අද දින උදේ කාදිනල්තුමා ප්රමුඛ පිය තුමන්ලා ඇතුළු නීතඥවරු කණ්ඩායමක් ජනාධිපතිතුමා සහ ඇමතිවරුන් ප්රමුඛ නිලධාරින් කණ්ඩායමක් මුණ ගැසුනා.
අප ඉල්ලා සිටියා මේ විමර්ශන හරි දිශානතියකට රැගෙන යමින් මේ විමර්ශනවලින් හෙළිවන කරුණු ඔස්සේ චෝදනා පත්ර ගොනු කරමින් මේ ව්යසනයට සම්බන්ධ වෙච්චි මෙය ක්රියාවට නන්වන්න සම්බන්ධ වෙච්ච හැම කෙනෙක්ම නීතිය හමුවට පමුණුවන්න කටයුතු කරන්න කියලා.
ඒ නිසාම අපි ඉල්ලා සිටියා මේ කරාණාව ප්රමුඛ කාරණාවක් ලෙස භාරගනිමින් නීතිපති දෙපාර්තමේන්තුව තුළ හෝ ඊට සම්බන්ධ කරපු අභිචෝදක කාර්යාලයක් තුළ මේ විමර්ශන කටයුතු මෙහෙයවමින් මේ අධි චෝදනා පත්ර චෝදනා ගොනු කරමින් එය නඩු විභාගයක් කරා රැගෙන යෑම කඩිනම් කරන්න කියලා.
ඉතින් අපි සතුටුයි ඒ සම්බන්ධයෙන් බොහොම ධනාත්මක ප්රතිචාර ලබා දීම සම්බන්ධව. ඒ වගේම මේ සම්බන්ධව කටයුතු කරන්නට විශේෂ කමිටුවක් නම් කරන්නටත් ජනාධිපති තුමා ඉදිරිපත් වුනා.
ඒ කමිටුවත් කාදිනල් තුමා ප්රමුඛ උන්වහන්සේ නම් කරන කමිටුවක් අතර නිරන්තර හමුවීමක් තුළ මේ වන විමර්ශන හා මේ වන වැඩ කටයුතු, මේ යුක්තිය සොයාගෙන යන ගමන තවදුරටත් තීව්ර කරන්නට අවශ්ය පසුබිම සාදා දෙන්නට එම අවස්ථාවේ දී පොරොන්දු වුනා. ඒ ගැන අපි ස්තුතිවන්ත වෙනවා.
අපි ඉල්ලා සිටියා එතුමා පොරොන්දු වුනා වගේම ජනාධිපති කොමිෂන් වාර්තාව ජන ගත කරන්නට කියලා. අපට දුන්න පොරොන්දුව තමයි එය වර්තමානයේ තිබෙන්නේ අපරාධ පරීක්ෂණ දෙපාර්තමේන්තුවෙ. ඔවුන්ගෙ රෙකමදාරුව මත ඔවුන්ගේ පරිශීලනය මත ගන්නා වූ තීරණය තුළ එය ජනගත කරන්නට හැකි තරම් ඉක්මනට උත්සාහ කරනවා කියලා අපට පොරොන්දු වුනා.
