පවතින ආර්ථික අර්බුදය හමුවේ ඉදිරියේදී පත් කෙරෙන කැබිනට් මණ්ඩලය ඇමතිවරුන් සංඛ්යාව අඩු කරන ලෙසත් ඔවුන්ට ලබා දෙන වරප්රසාද සහ පහසුකම් අඩු කිරීම ඇතුළු යෝජනාවලියක් අමාත්යංශ ලේකම්වරුන් විසින් රජයට ඉදිරිපත් කර ඇති බව සන්ඩේ ටයිම්ස් පුවත් පත වාර්තා කරයි. නිර්දේශ 33කන් සමන්විත මෙම යෝජනාවලිය මේ වනවිට ජනාධිපති ලෙක්ම් ගාමිණි නෙරත් මහතා වෙත භාර දී ඇති බ බව රාජ්ය පරිපාලන අමාත්යංශ ලේකම් ජේ. ජේ රත්නසිරි මහතා එම පුවත් පතට ප්රකාශ කර තිබේ.
ඔවුන් මෙම යෝජනාවලිය ඉදිරිපත් කර ඇත්තේ පවතින තත්ත්වය හමුවේ රජයේ වියදම් පාලනය කිරීම සම්බන්ධයෙන් රජය සිය අදහස් ලබා දෙන ලෙස ට රජය විසින් කරන ලද ඉල්ලීමකට අනුවය. එයින් පසුව කැබිනට් අමාත්යංශ නියෝජනය කරන ලේකම්වරුන් මේ සම්බන්ධයෙන් අග්රාමාත්ය ලේකම්වරයාගෙන් ප්රධානත්වයෙන් යුතු ව කමිටුවක් පත් කර ඇති අතර මෙම කමිටුව විසින් අදාළ තත්ත්ව අධ්යයනය කොට මෙම යෝජනාවලිය සකස් කර ඇත.
මෙම යෝජනාවලිය තුළ අමාත්යංශ ප්රමාණය අඩු කිරීම, ඇමතිවරුන්ට සහ නිලධාරීන්ට ලබා දෙන දීමනා සහ වරප්රසාද කප්පාදු කිරීම, රාජ්ය අමාත්යංශ ප්රමාණය සැලකිය යුතු මට්ටමින් අඩු කිරීම, මහා පරිමාණ ව්යාපෘති අලුතින් ආරම්භ කිරීම, අයවැය ප්රතිසංස්කරණයක් සිදු කිරීම, රාජ්ය සේවයට අලුතින් බඳවා ගැනීම් තාවකාලිකව අත්හිටුවීම සහ අලුතනින් රාජ්ය සේවකයන් බඳවා ගැනීමට පෙර දැනට බඳවාගෙන ඇති රාජ්ය සේවකයන් සම්බන්ධයෙන් නිසි විශ්ලේෂණයක් සිදු කිරීම වැනි යෝජනා ඇතුළත් වන බව පැවසෙන අතර ඉන්ධන සහ ඖෂධ ආනයනය සඳහා ප්රමුඛත්වය ලබා දීම ද මෙම යෝජනා අතර වෙයි.
