දිනසේන රතුගමගේ –
-
තිස්ස විහාර ඉඩම මුල් කරගෙන පොන්නම්බලම්ලා උතුර ගිනි තියන්න හදයි… භූමියෙන් අක්කරයක ට බලපත්රයක් ඇති අයෙක් ඉඩමම ඉල්ලයි… විකල්ප ඉඩම් ප්රතික්ෂේප කරයි….
යාපනයේ කන්කසන්තුරේ පිහිටි තිස්ස විහාරය සතු අක්කර 14 කින් යුත් ඉඩම වෙනත් පාර්ශ්වයකට පැවරීමට නොහැකි බව සමස්ත ලංකා බෞද්ධ මහා සම්මේලනය යාපනය දිසාපතිවරයා වෙත ඊයේ (08) දැණුම් දී තිබේ.
මෙම විහාරස්ථානය ඉදිකොට ඇති ඉඩම පෞද්ගලික ඉඩමක් බවත් අයිතිකරු සතුව බලපත්ර ඇති නිසා ඉඩම අයිතිකරුට පවරා දෙන ලෙසත් යාපනය දිස්ත්රික් සංවර්ධන කමිටු රැස්වීමේදී ඉල්ලීම් ලැබී තිබුණි.
ගජේන්ද්ර කුමාර් පොන්නම්බලම් මන්ත්රීවරයා මේ සම්බන්ධයෙන් දිගින් දිගටම එම සාකච්ඡාවේදී ඔහුගේ විරෝධය පල කිරීම නිසා අනුර කුමාර දිසානායක ජනාධිපතිවරයා මේ පිළිබඳව සොයා බලා සාධාරණයක් ඉටු කරණ ලෙස නිලධාරීන්ට දැනුම් දීමක් කළේය.
ඒ අනුව යාපනය දිසාපතිවරයා ඉඩම ආපසු ලබා දීමට කැමැත්තක් දක්වන්නේදැයි කළ විමසීමට පිළිතුරු ලබා දෙමින් සමස්ත ලංකා බෞද්ධ මහා සම්මේලනය මේ පිළිතුර ලබා දී තිබේ.
ඊට පෙර ඉඩමේ අයිතිකරු බව කියන පුද්ගලයාට වෙනත් විකල්ප ඉඩමක් ලබා දීමට දිසාපතිවරයා කැමැත්ත විමසූ අවස්ථාවේදී ඊට ඔහු එකඟ නොවීම නිසා තිස්ස විහාරයේ ඉඩම සම්බන්ධයෙන් බරපතල ප්රශ්නයක් නිර්මාණය වී තිබේ.
මේ වන වීට එම විහාරස්ථානයේ බෞද්ධ ඉදිකිරීම් රෑසක් ඉදිකොට අවසන් නිසා එම ඉඩම සාමාන්ය පුද්ගලයෙකුට පරිහරනය ඉරීමට නොහැකි බව යාපනය දිසාපතිවරයා ඉඩමේ අයිතිකරුට පෙන්වා දී ඇතත් ඔහු ඒ ඉඩමම ඉල්ලා සිටින්නට පටන්ගෙන තිබේ.
විහාරය සතුව ඇති ඉඩම අක්කර 14 ක් වන අතර ඊට උරුමකම් කියන පුද්ගලයාට එම ස්ථානයෙන් අයත්ව ඇත්තේ ඉඩම් අක්කර එකක් පමණකි.
තිස්ස විහාරය සතු අක්කර 14 ක ඉඩමේ අක්කර 7 ක වපසරියක ගොඩනැගිලි ඉදි වී ඇති අතර අනෙක් කොටස විහාරස්ථානයේ ප්රයෝජනයට යොදා ගෙන තිබේ.
ගොඩනැගිලි නොමැති එම කොටස අත්පත් කර ගැනීම සඳහා එම ඉඩමට උරුම කම් කියන පුද්ගලයා දැඩි තීරණයක් ගෙන සිටින්නේ දේශපාලන උසිගැන්වීමක් මත බව පැහැදිලි වී තිබේ.
