පසුගිය මාස කිහිපය තුළ මහනුවර ජාතික රෝහල, පේරාදෙණිය ශික්ෂණ රෝහල සහ පේරාදෙණිය සිරිමාවෝ බණ්ඩාරනායක ළමා රෝහල කේන්ද්ර කර ගනිමින් වාර්තා වූ මතභේදයට තුඩුදුන් මරණ සම්බන්ධයෙන් සොයා බලා වාර්තාවක් ලබාදෙන ලෙස සෞඛ්ය අමාත්යවරයා ලබාදුන් දැනුම් දීමකට අනුව සෞඛ්ය අධ්යක්ෂ ජනරාල් වෛද්ය අසේල ගුණවර්ධන ඇතුළු කණ්ඩායමක් අද (15)අදාළ රෝහල් වල නිරීක්ෂණ චාරිකාවක නිරත වෙමින් රෝහල් අධ්යක්ෂකවරු සහ විශේෂඥ වෛද්යවරු සමඟ සාකච්ඡා පවත්වා තිබේ
පේරාදෙණිය ශික්ෂණ රෝහලේ දී පසුගිය 11 දා මියගිය 21 හැවිරිදි තරුණියගේ මරණය ඇතුළු එම රෝහලේ සිදුවූ තවත් මරණ දෙකක් සම්බන්ධයෙන් මතභේදාත්මක තත්ත්වයක් ඇති විය.
එම මරණ ත්රිත්වය එන්නත් වල ගැටලුවක් හේතුවෙන් සිදුවූ බව මියගිය අයගේ ඥාතිහූ පමණක් නොව සෞඛ්ය වෘත්තිය සමිති ද චෝදනා කරනු ලැබූහ.
වකුගඩු අකර්මණ්ය වීම නිසා මහනුවර වකුගඩු ඒකකයේ ප්රතිකාර ලබන අතර තුර නිවසේ දී පරිතාන කාන්දු කරණයට ලක්වූ රෝගීන් හත් දෙනෙකු පමණ මියායෑමේ සිද්ධිය කාන්දුකරණය සඳහා ලබාදුන් උපකරණ කට්ටලයේ හටගත් දිලීරයක් නිසා බවට ද චෝදනා එල්ල විය.
සෞඛ්ය අධ්යක්ෂක ජෙනරාල්වරයා පේරාදෙණිය ශික්ෂණ රෝහලට සහ සිරිමාවෝ බණ්ඩාරනායක ළමා රෝහලට අද 15 පෙරවරුවේ ගොස් ඇත.
සෞඛ්ය අධ්යක්ෂ ජනරාල්වරයා අද පස්වරුවේ මහනුවර ජාතික රෝහලේ නිරීක්ෂණ චාරිකාවක නිරත වීමට නියමිතය.
