ජාතික ඖෂධ නියාමන අධිකාරියේ සභාපති වෛද්ය රසිත විජේවන්ත මහතා එම අධිකාරියේ කොවිඩ් එන්නත ඇගයීම වෙනුවෙන් කටයුතු කරන ස්වාධීන විශේෂඥ වෛද්ය මණ්ඩලය චීනයේ නිෂ්පාදිත සයිනෝවැක් එන්නත අනුමත කිරීමට ප්රමාද කිරීම සම්බන්ධයෙන් තම අප්රසාදය පළකරමින් සහ ඔවුන්ගෙන් මේ සම්බන්ධයෙන් කරුණු විමසීමට බලාපොරොත්තු වන බවට මාධ්යට කළ ප්රකාශයක් සම්බන්ධයෙන් එම විශේෂඥ කමිටුව කලකිරීමට පත්ව ඇති බව ඖෂධ නියාමන අධිකාරියේ ආරංචි මාර්ග සඳහන් කරයි.
අට දෙනකුගෙන් යුක්ත මෙම විශේෂඥ වෛද්ය මණ්ඩලයේ සාමාජිකයන් කිහිප දෙනකු සයිනොවැක් එන්නත මෙරට හදිසි භාවිතය සඳහා අනුමත කිරීමට සුදුසු බවටත් තවත් පිරිසක් එහි ඩෙල්ටා ප්රභේදය සම්බන්ධයෙන් ප්රමාණාත්මක විද්යාත්මක දත්ත නොමැති වීම හේතුවෙන් එය අනුමත නොකළ යුතු බවටත් මත දැරුවද නියාමන අධිකාරියේ සභාපතිවරයාගේ මාධ්ය ප්රකාශ හේතුවෙන් ඔවුන් සියලු දෙනාම මේ වනවිට සයිනෝවැක් එන්නත් අනුමත නොකළ යුතු බවට එකඟතාවකට පැමිණ ඇතැයි මෙම ආරංචි මාර්ග තවදුරටත් සඳහන් කරයි.
මෙම කමිටුවේ පොදු මතය වී ඇත්තේ ලෝක සෞඛ්ය සංවිධානයේ අනුමත කොවිඩ් එන්නත් අතරින් අඩුම සාර්ථකත්වයක් පවතින ඖෂධය සයිනෝවැක් වන අතර මෙම එන්නත ඩෙල්ටා ප්රභේදය හමුවේ කෙතෙක් දුරට සාර්ථකද යන්න පිළිබඳව විද්යාත්මක දත්ත නොමැති වීමත් දැනට රට තුළ හිගයකන් තොරව එන්නත් පැමිණෙන තත්ත්වයක් පවතින නිසාත් මෙම දත්ත ලැබෙන තෙක් මෙම එන්නත අනුමත කිරීමට හදිසි නොවිය යුතු බවය. එසේ වුවද මෙම එන්නත අනුමත කරන ලෙස සභාපතිවරයා ඇතුළු කිහිප දෙනකු බලපෑම් කරමින් සිටින බව එම ආරංචි මාර්ග සඳහන් කරයි.
මේ සම්බන්ධයෙන් අදහස් දැක්වූ එක් ජ්යෙෂ්ඨ විශේෂඥ වෛද්යවරයකු සඳහන් කළේ මෙම කමිටුව නියෝජනය කරන සුදුසුකම් ලත් ජ්යෙෂ්ඨ වෛද්යවරුන්ගෙන් කරුණු විමසීමට තරම් ඖෂධ අධිකාරියේ සභාපතිවරයා ජ්යෙෂ්ඨයකු හෝ වෛද්ය විද්යාවේ ප්රවීණයකු නොවන බවය. ඔහු තවමත් විශේෂඥ වෛද්ය පහුණුව ලැබුවද ඔහු සුදුසුකම් ලත් විශේෂඥ වෛද්යවරයකු ලෙස සහතික ලබා නොගත් දේශපාලන පත්වීමක් මත මෙම තනතුරට පත්වූ පුද්ගලයකු බවත් ඔහු සඳහන් කළේය. මෙතෙක් මෙම තනතුර භිෂග්වේද (ඖෂධ විද්යාව) පිළිබඳව අති ප්රවීණත්වයක් දැරූ පුද්ගලයන් විසින් දරන ලද බවත් අවසන් වරට මෙම තනතුර ඉසිලුවේ ඔක්ස්ෆර්ඩ් සරසවියෙන් ඖෂධ විද්යාව පිළිබඳව පශ්චාත් උපාධි හැදෑරූ මහාචාර්ය අසිත ද සිල්වා මහතා වන අතර ඔහු විවිධ බලපෑම් මත ඉවත්වූ පසුව මෙම වෛද්යවරයා සභාපති තනතුරට පත් වූ බවය.
එසේම ඖෂධ නියාමන අධිකාරියේ පාලන මණ්ඩලයට පත් වන සාමාජිකයන් 13 දෙනා අතුරින් සිව් දෙනකු සෞඛ්ය අමාත්යවරයා විසින් නිල බලයෙන් පත් කරන අතර ඊට වෛද්ය විද්යා අංශයේ නියෝජිතයා ලෙස පත් කරන්නේ ක්ෂේත්රයේ ප්රවීණ පුද්ගලයකු වන අතර මෙතෙක් කලක් එම පත් කිරීම නියෝජනය කළේ කොවිඩ් සම්බන්ධයෙන් ලොක් සෞඛ්ය සංවිධාන අධ්යක්ෂ ජනරාල්වරයා ආසියානු කලාපයටම තම නියේජිතයා ලෙස පත් කළ විශිෂ්ඨ ව වෛද්යවරයකු වන වෛද්ය පාලිත අබේකොන්ය.
එසේ වුවද හිටපු පළාත් සභා ඇමතිවරයතු වන තම පියාගේ දේශපාලන සම්බන්ධතා මත රසිත විජේවන්ත වෛද්යවරයා ඔහු ඉවත් කොට දේශපාලනිකව පත් කළ බවත් ඔහු එලෙස පත් වී පත් වී කළ ප්රකාශය සදාචාර සම්පන්න නොවන බවත්ය.
