ඖෂධ නියාමන අධිකාරිය, රාජ්ය ඖෂධ සංස්ථාව සහ රාජ්ය ඖෂධ නිශ්පාදන නීතිගත සංස්ථාවේ සභාපතිවරුන් ඖෂධ ව්යපාරිකයන් හා එක් කොවිඩ් වසංගතය ජාවාරමක් කරගෙන ඇති ආකාරය වෛද්ය පර්යේෂණ ආයතනයේ නියෝජ්ය අධ්යක්ෂ විශේෂඥ වෛද්ය ජයරුවන් බණ්ඩාර විසින් හෙළි කරයි.
රැපිඩ් ඇන්ටිජන් ඒකාධිකාරිය පවත්වාගෙන යන එක්තරා ව්යාපාරිකයෙකුට යට වී සිටින ඖෂධ නියාමන අධිකාරියේ සභාපතිවරයා හා නිලධාරීන් හේතුවෙන් එම පරීක්ෂණය මිල රුපියල් දෙදහසකට වඩා ඉහළ ගොස් ඇති බව පෙන්වා දෙන වෛද්ය ජයරුවන් බණ්ඩාර අද ලෝකයේ ඇති තත්වයන් තුළ ඉහළම ගුණාත්මක අගයකින් යුතු පී.සී.ආර්. පරීක්ෂණයක් සියලුම ලාභ සහිතව රුපියල් 600කට කළ හැකි බවත් ඒ වෙළෙඳපල එක්තරා මහාපරිමාණ ජාවාරම් කරුවෙක් විසින් වසා දමා ඇති බවත් හෙළි කරයි.
ඔහු මේ බව හෙලි කරන්නේ ටෘෘත් විත් චමුදිත නම් අන්තර්ජාල සම්මුඛ සාකච්ඡාවකමය වැඩසටහනට එක් වෙමිනි.
ඔහු එහිදී මෙසේ පැවසීය.
“ ඖෂධ ප්රමාණය කලට වේලාවට ලබා දෙන්නේ නැති ඖෂධ නියාමන අධිකාරියේ සභාපිත නිදහස් අධ්යාපනයෙන් ඉගන ගත්තු වෛද්යවරයකේ. මේ රටේ අහිංසක මිනිස්සු වෙනුවෙන් ලාබෙට හොඳම බෙහෙත් නිර්දේශ කරන්න පුලුවන් කෙනා ඖෂධ නියාමන අධිකාරියෙ සභාපතිවරයා. ඔහු වගකියන්න ඕන ඔය මුදලාලිලාට දේශපාලකයන්ට නෙමෙයි. මේ රටේ අහිසංක මිනිස්සුන්ට.
ලෝකෙ ඉහළ ගුණාත්මක බවින් යුතු පී.සී.ආර්. කට්ල තියනවා 2000ට අඩුවෙන්. අද ඇන්ටිජන් වෙළෙඳපල විවෘත කරලා, හරියට ගණන් බලලා තරගකාරීව ගුණාත්මක භාවයකින් යුතු ඇන්ටිජන් කිට් ලංකාවට එන්න දුන්නොත් ලංකාවේ රුපියල් 650ක් 700ක් මිලකට ඔය ඇන්ටිජන් පරීක්ෂණයක් කරගන්න පුලුවන්… ඒ සියලු ලාබ ලබාගෙන.
මේ ඒකාධිකාරිය සහිත ගණන් වැඩි කිට් එක ගේන මුදලාලි අනේක සියලුම සැපයුම් කරුවන් බ්ලොක් එකරන්න ලියුමක් දීලා තියනවා. ඒ ලියුමට යට වෙච්චි ඖෂධ නියාමන අධිකාරියෙ ප්රධානීන් කිසිම තරගකරුවෙකුට තමන්ගෙ මිල ගණන් කියන්න ඉදිරිපත් වෙන්න දෙන්නෙ නෑ,
රාජ්ය ඖෂධ නිශ්පාදන නීතිගත සංස්ථාව මේ ලඟදි හැදුවා තයිරොක්සීන් පෙත්තක්. ඒක හැදුවෙ හොඳම අමුද්රව්ය ලංකාවට අරන් ඇවිත් නොවෙයි. පිටින් ගෙන්වන්නෙ මිශ්රණයක් මැෂින් එකේ දාලා තද කරලා පෙත්ත හදලා. ඒ ප්රමිතිය ගැන විශ්වාසයක් නෑ.
ඖධෂ නියමාන අධිකාරිය, ඖෂධ නිෂ්පාදන සංස්ථාව, රාජ්ය ඖෂධ නීතිගත සංස්ථාව කියන ආයතන තුනේම ඉන්නෙ දොස්තරලා. මේ රටේ මිනිස්සුන්ගෙ සල්ලිවලින් ඉගෙන ගත්ත වෘත්තිකයො වෘත්තිකයො
මේ අය ජාවාරම් කාරයන්ගෙ අතේ නැටුවෙ නැතිනම් මීට අඩුවට ඖෂධ දිය හැකියි. මෙහෙම අහස උසට මිල ගණන් කවදාවත් ගිහින් නෑ . වෘත්තිකයො ප්රධානත්වයක් දරන තැන්වල මෙහෙම කරනකොට ව්යාපාරිකයො තක්කඩි බිස්නස් කරන්න එක ගැන බනින්න එපා.
මට මේ රටේ සාමාන්ය පුරවැසියෙක් විදිහට සැකයක් තියනවා ඖෂධ නියාමන අධිකාරියෙ දත්ත ගබඩාව විනාශ වෙන්නත් මේ ගනුදෙණුවල මොනව හරි සම්බන්ධයක් ඇති කියලා…
විශේෂඥ වෛද්යවරයා වැඩිදුරටත් පැවසීය.
