ආණ්ඩුව පාලනය වන්නේ පක්ෂයකින් බවත් ආණ්ඩුව පාලනය කරන පක්ෂය බිහි වන්නේ පැලවත්තෙන් බැවින් පැලවත්ත පැලවත්ත කියමින් නොහඬන ලෙසත් සභානායක බිමල් රත්නායක අද (14) පාර්ලිමේන්තුවේදී විපක්ෂයට කීවේය.
“ඔයගොල්ලන්ගෙ වගේ ලොක්කන්ගේ ගෙවල්වල අපේ පක්ෂ නෑ. ඔයගොල්ලන්ගේ වගේ ලෝක්කන්ගේ බූදල් වෙලා නෑ අපේ පක්ෂ. ඔයගොල්ලන්ගේ වගේ නෝනලා පක්ෂ පාලනය කරන්නේ නෑ. සමහරු අඬනවනේ නෝනල පක්ෂ පාලනය කරනවා කියලා.” බිමල් රත්නායක පැවසුවේය.
බිමල් රත්නායක මෙසේ ද පැවසුවේය.
අපි ආර්ථික ස්ථාවරභාවය ගෙනත් තියනවා. කිසි කෙනෙකුට ආර්ථිකය අද වැටෙයි අනිද්දා වැටෙයි කියලා ප්රශ්නයක් නෑ. ඒ නිසා තමයි වාහන මෙච්චර ගෙනෙන්නේ. වාහන ගෙනාපු ලයිස්තුව බලනකොට වෛද්යවරු නීතීඥවරු ඉන්නවා. ඒ කියන්නේ කුමක්ද ?… ඒ අය ලංකාවෙන් යන්නේ නෑ කියන එක. ඒ ගොල්ල වාහන ගෙන්වන්නේ ලංකාවෙ ඉන්න. මහා ලොකු සාධකවලින්ම ප්රශ්න විවරණය කරගන්න ඕන නෑ.
ප්රශ්නයක් ගැන තේරුම් ගන්න උඩ ඉඳල බලලත් පුලුවන්. යට ඉඳලා පහළින්ම බලලත් පුලුවන්. මම ඇක්සිඩන්ට් ඇකිස්ඩන්ට් එක පාඩම් කරනවා. එතකොට තමයි තේරෙන්නෙ ප්රවාහනේ අර්බුදය. ඕන නම් උඩින් බලල ප්රතිපත්ති කියන්න පුලුවන්. අපි විෂය ඉගෙන ගන්නවා. අපේ ඇමතිවරු ඕනෑම කෙනෙකුගෙන් කතා කරලා බලන්න. විෂය ඉගෙන ගෙන බැක් කරන්නේ. එකම දේ අපි දන්න ඔක්කොම කරන්න බෑ. ලංකාව තියන යථාර්ථය ඇතුළෙ කරන්න ඕන.
දේශපාලන ස්ථාවර භාවය තියනවා. ජනාධිපති තුමාගේ ආණ්ඩුව වැටෙන්නේ නෑ. පළාත් සභා ඡන්දය තියන්න කියනවා. ඡන්දය තියනවා. තියලා බලන්නකො මොකද වෙන්නේ බලන්න. සොරි වෙනවා. පරිදිනවා නැති වෙන්න මතක තියා ගන්න. විපක්ෂ එකතු වෙලා එන්නකො. වෙන වෙනම එන්නකො. උපරිම පරිදිනවා.
අපි සමාජ ස්ථාවර භාවය ඊලඟ.. අපි සමාජ ස්ථාවර භාවය ඇති කරනවා. සමාජ ස්ථාවරභාවය වැඩිපුරම කැඩෙන්නේ ඔය ගැන්සි වලිින්. කප්පම් කල්ලිවලින්. අද පිටකොටුව බස්ටෑන්ඩ් එකේ අවට පවා අද කියනවා කප්පම් ගන්නෙ නෑ කියලා. මත්ද්රව්ය කල්ලි අපි පාලනය කරගෙන යනවා. ඒ වගේම ලොකු මිනිස්සු කියලා ජාතියක් හිටියා. නීතියට උඩින්. අද ඒ හැම දෙනාම නීතිය යටතට ගෙන්නලා තියනවා.
අපි පක්ෂය ආණ්ඩු පක්ෂය. ආණ්ඩු පක්ෂය කියන පක්ෂයකින් තමයි පාලනය වෙන්නේ. පැලවත්ත පැලවත්ත කියලා අඬන්න දෙයක් නෑ. පැලවත්තෙන් තමයි මේ පක්ෂය බිහි වෙලා තියෙන්නේ.
ඔයගොල්ලන්ගෙ වගේ ලොක්කන්ගේ ගෙවල්වල අපේ පක්ෂ නෑ. ඔයගොල්ලන්ගේ වගේ ලෝක්කන්ගේ බූදල් වෙලා නෑ අපේ පක්ෂ. ඔයගොල්ලන්ගේ වගේ නෝනලා පක්ෂ පාලනය කරන්නේ නෑ. සමහරු අඬනවනේ නෝනල පක්ෂ පාලනය කරනවා කියලා.
අපේ තිබෙන්නේ අපි ප්රජාතන්ත්රවාදී ඉතාම පුළුල් ව්යාපාරයක් හදලා තියනවා. එතනින් අපි රටට රටට අදාල කරන මූලික ප්රතිපත්ති හදලා තියනවා. ඒ වගේම සාමාජිකයො විදිහට අපව විනය ගරුක කරනවා. අපට මග පෙන්වනවා අපේ පක්ෂය.
ඒ වගේම අපි ඒ පක්ෂයේ තියන සාරය අරගෙන අපි රට පාලනය කරද්දි රට පාලනය කරන්න අපි වෙනත් මූලික උපක්රම මූලික නීති රීති පාවිච්චි කරනවා. ජනාධිපති තුමා රටෙත් නායකයා. පක්ෂයෙත් නායකයා.
නමුත් පක්ෂය පාලනය කරන්න තියන සම්මත වෙච්චි නීති රීති අපේ කොමන් කලෙක්ටිව් ලීඩර්ෂිප එක. හැබැයි රට පාලනය කරන්නේ වෙනම. හැබැයි අපට පුලුවන් වෙලා තියනවා විවිධ දේශපාලන අදහස් දරන විවිධ නිලධාරීන්ගෙන් විවිධ පුද්ගලයන් එක්ක වැඩ කරන්න.
අපි අවසාන වශයෙන් අපේ රටේ ජනතාවට අපි ඉතාම ගරුත්වයෙන් ඔබතුමන්ලාට කියන්න කැමතියි අපි මේ මාතෘ භූමිය සමාජමය වශයෙන් ස්ථාවර කරලා තියනවා. ඊලඟ අවුරුදු හතර මේ පදනම මත මේ ලංකාව ඉතාම ඉහළ ආර්ථික සමාජ දේශපාලන තැනකට ගේනවා.
