තම පෞද්ගලික නිවසට ඩ්රෝන යානා ප්රහාරයක් එල්ල කිරීමෙන් පසු තම යුද අරමුණුවලින් නොසැලී සිටින බව ප්රකාශ කරන ඊශ්රයාල අගමැති බෙන්ජමින් නෙතන්යාහූ “ඊශ්රායලයේ පුරවැසියන්ට හානි කිරීමට උත්සාහ කරන ඕනෑම කෙනෙක් විශාල වන්දියක් ගෙවිය යුතු” බවට අනතුරු අඟවා තිබේ.
“ඉරානයේ අනුබලය ලබන හිස්බුල්ලා අද මා සහ මගේ බිරිඳ ඝාතනය කිරීමට ගත් උත්සාහය බරපතල වැරැද්දක්” නෙතන්යාහූ X හි සටහනක තබමින් පැවසුවේය. නෙතන්යාහු එම පණිවිඩයේ මෙසේ කියන්නේය.
ඉරානයේ පිටුබලය ලබන හිස්බුල්ලා අද මා සහ මගේ බිරිඳ ඝාතනය කිරීමට ගත් උත්සාහය බරපතළ වරදකි.
අපගේ අනාගතය සුරක්ෂිත කිරීම සඳහා අපගේ සතුරන්ට එරෙහිව අපගේ සාධාරණ යුද්ධය දිගටම කරගෙන යාමෙන් මෙය මා හෝ ඊශ්රායෙල් රාජ්යය වළක්වන්නේ නැත.
මම ඉරානයට සහ එහි නපුරේ අක්ෂයේ සිටින එහි ප්රොක්සිවරුන්ට මෙසේ කියමි.
ඊශ්රායලයේ පුරවැසියන්ට හානි කිරීමට උත්සාහ කරන ඕනෑම කෙනෙක් විශාල වන්දියක් ගෙවනු ඇත.
අපි ත්රස්තවාදීන් සහ ඔවුන් මෙහෙයවන්නන් තුරන් කිරීම අඛණ්ඩව කරගෙන යන්නෙමු.
අපි අපේ ප්රාණ ඇපකරුවන් ගාසාවේ සිට ගෙදර ගෙන එන්නෙමු.
තවද අපගේ උතුරු මායිමේ ජීවත් වන අපගේ පුරවැසියන් ආරක්ෂිතව ඔවුන්ගේ නිවෙස් වෙත ආපසු යවන්නෙමු.
ඊශ්රායලයේ අපි අපගේ සියලුම යුද අරමුණු සාක්ෂාත් කර ගැනීමටත්, ඉදිරි පරම්පරාවන් සඳහා අපගේ කලාපයේ ආරක්ෂිත බව යථාර්ථයක් කිරීමටත් අධිෂ්ඨාන කර ගෙන සිටිමු.
අපි දෙවියන්ගේ උපකාරයෙන් එකට සටන් කරමු.
අපි එක්ව ජයග්රහණය කරමු.
ඊශ්රායල අගමැතිවරයා සිසේරියා සහ ජෙරුසලමේ පෞද්ගලික නිවාස දෙකක් භාවිතා කරයි. ප්රහාරය එල්ලවන අවස්ථාව වනවිට දැනට ප්රතිසංස්කරණය වෙමින් පවතින ජෙරුසලමේ පිහිටි ඔහුගේ නිල නිවස වන Beit Aghion හි කාලය ගත කර ඇති බව විදෙස් මාධ්ය කියයි.
වාර්තා වූ ප්රහාරය පිටුපස හිස්බුල්ලා සංවිධානය සිටින බව ඉරානය පවසන බව ඉරාන රාජ්ය පුවත් ඒජන්සිය ද IRNA වාර්තා කරයි.
“ප්රශ්නගත ක්රියාව ලෙබනනයේ හිස්බුල්ලා විසින් සිදු කර ඇති” බව ඉරාණය එක්සත් ජාතීන් වෙත ද දන්වා ඇතැයි විදෙස් මාධ්ය වාර්තා කරයි.
එහෙත් හිස්බුල්ලා සංවිධානය එම වාර්තා පිළිබඳව අදහස් දක්වා නොමැත.
The attempt by Iran’s proxy Hezbollah to assassinate me and my wife today was a grave mistake.
This will not deter me or the State of Israel from continuing our just war against our enemies in order to secure our future.
I say to Iran and its proxies in its axis of evil:…
— Benjamin Netanyahu – בנימין נתניהו (@netanyahu) October 19, 2024
