අන්තර්ජාලය ඇසුරෙන් භාණ්ඩ මිලදී ගැනීමේදී ඉතා සුපරික්ෂාකාරී වන ලෙස පොලිසිය ජනතාවගෙන් ඉල්ලා සිටී.
විශේෂයෙන් අන්තර්ජාලයේ පළකරනු ලබන දැන්වීම් ඔස්සේ තනි පුද්ගලයන් වශයෙන් පුද්ගලයන්ගෙන් භාණ්ඩ මිලදී ගැනීමේදී වඩා සුපරික්ෂාකාරී විය යුතු බව ද පොලීසිය නිවේදනය කරසිටී.
සොරකන් කරන ලද හෝ කොල්ලකන ලද වටිනා ජංගම දුරකථන, ස්වර්ණාභරණ, සුවඳ විලවුන්, විදුලි උපකරණ, පරිගණක
වැනි භාණ්ඩ සොරකම් කරන පුද්ගලයන් ඉතා අඩු මිලට අන්තර්ජාලයේ මුහුණු පොත සහ සමාජ මාධ්ය ජාලා තුල දැන්වීම් කර විකුණනු ලබයි.
එම භාණ්ඩ ලබාදෙනු ලබන්නේ මහාමාර්ගය වැනි පොදු ස්ථානවල වීම විශේෂ කරුණකි.
මෙවැනි ආයතනවල භාණ්ඩ විකුණන පුද්ගලයන් භාණ්ඩ හුවමාරු කිරීමේ ස්ථාන ලෙස මහජනයා වැඩිපුර නොගැවසෙන, සමීප රූප ආවේක්ෂණ කැමරා නොමැති ස්ථානයක් තෝරාගනු ලබයි.
සොරා ගනු ලබන භාණ්ඩ විකුණා සැණකින් අතුරුදහන්වීමට මෙම කූඨ පුද්ගලයන් වගබලා ගනී.
එබැවින් අන්තර්ජාලයේ මුහුණු පොත සහ සමාජ මාධ්ය ජාලා ඔස්සේ භාණ්ඩ විකුණන පුද්ගලයන්ගෙන් භාණ්ඩ මිලදී ගැනීමේදී එම භාණ්ඩ සොරා ගත් භාණ්ඩ හෝ ව්යාජ භාණ්ඩ වීමේ ප්රවණතාවයක් ඇති හෙයින්, ඉතා පරිස්සම් විය යුතු බව පොලිසිය අවධාරණය කරයි.
භාණ්ඩ විකුණනු ලබන පුද්ගලයාගේ අනන්යතාව (ජංගම දුරකථන අංකය/ හැඳුනුම්පතේ පිටපතක්) වැනි තොරතුරු නිවැරදිව ලබාගෙන මෙවැනි ගණුදෙනු කිරීමට ප්රවේශම් වන ලෙස පොලිසිය විසින් මහජනතාවගෙන් ඉල්ලා සිටී.
තවද, මේ වන විට සොරකම් කරන ලද හෝ කොල්ලකන ලද සියළුම ජංගම දුරකථනයන්හි EMI අංක ශ්රි ලංකා පොලිසිය විසින් පවත්වාගෙන යනු ලබන www.ineed.police.lk වෙබ් අඩවියේ ප්රසිද්ධ කර ඇත.
ඕනෑම පුද්ගලයකුට පාචිච්චි කරන ලද හෝ අලුතින් මිලදී ගනු ලබන ජංගම දුරකථන මිලදී ගැනීමට ප්රථම ඉහත වෙබ් අඩවියට පිවිස තමා මිලදී ගැනීමට බලාපොරොත්තු වන ජංගම
දුරකථනයේ EMI අංකයන් මෙම වෙබ් අඩවිය ඵලකර ඇත්ද යන්න සොයා බලා තහවුරු කර, එම මිලදී ගැනීම සිදුකරන ලෙස ශ්රි ලංකා පොලිසිය ජනතාවගෙන් ඉල්ලා සිටී.
