ජාතික න්යාය පත්රය වෙනුවට පක්ෂ පුද්ගල න්යා පත්ර වෙනුවෙන් ඒවාට ප්රමුඛත්වය දෙමින් ඒ වෙනුවෙන් ව්යවස්ථා සංශෝධන කරමින් පවත්වාගෙන ගිය වංචනික දේශපාලන සංස්කෘතිය අවසන් කිරිමේ උවමනාව පෙරදැරිව තමා මෙම ජනාධිපතිවරණයට ඉදිරිපත් වූ බව පාර්ලිමේන්තු මන්ත්රී ඩලස් අලහප්පෙරුම අද (20) ප්රකාශ කළේය.
මේ ඡන්ද ඉල්කම්වලින් ලද පරාජයක් නොව, ධෛර්ය සම්පන්න මගපෙන්වීමක් බවත් ඔහු කීවේය
ඔහු වැඩිදුරටත් මෙසේ ද ප්රකාශ කළේය.
“අපේ උවමනාව තිබුණෙ ඉතිහාසේ පළමු ප්රායෝගික සම්මුතිවාදී ආණ්ඩුවක් ගොඩනගන්න. පරාජය වුනත් සම්මුතිවාදී ආණ්ඩුවක් ගොඩනැගීම මල්පල ගැන්වීමේ අපේ බලාපොරොත්තුව ඉන් කඩවීමක් වූ බවට අප විශ්වාස කරන්නෙ නෑ “
“ ප්රතිඵලය කුමක් වුවත් මේ සම්මුතිවාදය මුලු ලෝකයටම වටිනා පරමාදර්ශයක් සපයා තියනවා. පුද්ගලික අභිමතාර්ථ පසෙක ලා මා ජනාධිපති ධූරයට යෝජනා කළේ සජිත් ප්රේමදාස, ස්ථිර කරමින් ශක්තියක් වුනේ පොදුජන පෙරමුණේ සභාපති ජී.එල් පීරිස්. එතුමා ඇතුළු පාර්ලිමේන්තුවේ බහුතර පක්ෂ මා වෙනුවෙන් කැප කිරීම්කළා. මේ ජරා ජීර්ණ බෙදීම්වලින් තොරව අප එකතු වුනා.“
“ රනිල් වික්රමසිංහ ජනාධිපතිවරයාට සුබ පතන අතරේම මේ අරමුණු වෙනුවෙන් කැපවුනු හැම දෙනාටම මගෙ පුද්ගලික ගෞරවයත් මේ රටේ මහා ජනතාවගේ ගෞරවයත් ප්රකාශ කළ යුතුයි.“
ජනාධිපතිවරයා කීවා සේම නිදහසින් පසු ගත කරන අමාරුම කාල පරිච්ඡේදය අප ගතකරමින් ඉන්නෙ. අප්රමාදම කර්තව්ය විය යුත්තේ රට සුවපත් කිරිමයි. සු වපත් රටකට පමණයි නැවත නැගිටින්න පුලුවන්. සියලු දෙනාගේම සහයෝගය ඊට අවශ්යයයි. “
“අපි ඉතිහාසයේ තීරණ අරන් තියෙන්නෙ දියවන්නා දූපත ඇතුළෙ ඉන්න පවුල් 225 ගැන. නමුත් අපි බැලුවේ දියවන්නාවෙන් එළියෙ ඉන්න පවුල් ලක්ෂ 58ක් ගැන.
මෙය මගේ දේශපාලන ගමනේ තව එක් හැරවුම් ලකුණක් ලෙස සලකුණු කරමින් නව ආණ්ඩුවට හා ජනාධිපතිවරයාට එලෙසින්ම සුබ පතනවා. එළියේ දුක් විඳින මිනිස්සුන්ගෙ දුක් විඳින තරුණයින්ගේ පීඩාවට, අපේක්ෂා භංගත්වයට පත්වෙචිචි මිනිස්සුන්ගෙ හඬට, දැන්වත් ඇහුම්කන් දෙන්නට හැකි මනසක් නිර්මාණය වේවා කියලා ප්රාර්ථනා කරමින් සියලු දෙනාටම ගෞරවය ප්රකාශ කරනවා.
ආදරණීය මාතෘ භූමියට සුබ අනාගතයක් ප්රාර්ථනා කරනවා.
