එන්නත් විෂවීමෙන් ඇති වූ මරණ පිළිබඳව තොරතුරු සමාජගත වීමත් සමග දිවයිනේ සෑම පළාතකම පාහේ රෝහල්වලදී මියගිය පුද්ගලයින් අතරින් බහුතරයකගේ මරණ සැක සහිත බව දන්වමින් හදිසි මරණ පරීක්ෂක වරුන්ගේ වෙත පැමිණිලි ගලා එන බව හදිසි මරණ පරීක්ෂකවරුන්ගේ සංගමය පවසයි.
අද පේරාදෙණිය රෝහලේ පැවැති මාධ්ය හමුවේදී හදිසි මරණ පරීක්ෂක වරුන්ගේ සංගමයේ සභාපති අනුර හේරත් සහ එහි ලේකම් නීතිඥ මොහොමඩ් ෆර්හාන් ඒ බව කියා සිටියේය.
මෙම තත්ත්වය මත නිදහස් සෞඛ්ය සේවාව පිළිබඳ ජනතාව අතර දැඩි පිළිකුල් භාවයක් සහ විශ්වාස ය බිද වැටීම ක් ද වන බව කී එම සංගමය එහි ඒ මරණ වලට සම්බන්ධ පැහැදිලි නිගමනයන් එනතෙක් නිදහස් සෞඛ්ය සේවාව පිළිබඳ වැරදි ආකල්ප ඇතිකර නොගන්නා ලෙසද ඉල්ලා සිටියේය.
තමන්ගේ සමීපතයකු ගේ මරණයක් සම්බන්ධයෙන් සැකයක් ඇත්නම් ඒ පිළිබඳව හදිසි මරණ පරීක්ෂක වෙත පැමිණිලි කිරීමට ඉඩ ඇති බවත් ඒ සම්බන්ධ පරීක්ෂණ අවසන් වන තෙක් නිරවුල් මනසින් කටයුතු කරන ලෙසත් එම සංගමය ජනතාවගෙන් ඉල්ලා සිටී
