දිනසේන රතුගමගේ
අයහපත් කාලගුණික තත්ත්වය හේතුවෙන් උතුරේ පවුල් 9200 කට අයත් පුද්ගලයින් 31000 ක් පමණ විපතට පත්ව සිටින බව ඒ ඒ පළාත් වල දිසාපතිවරු අද (26) ප්රකාශ කළහ.
වැඩිම පිරිසක් විපතට පත්ව සිටින්නේ මුලතිව් දිස්ත්රික්කයෙන් වන අතර එම සංඛ්යාව පවුල් 4300ක් පමණ වෙයි.
වර්ෂා ජලය සිය නිවෙස් තුළට ගලාගෙන විත් නිවෙස් වැසි ජලයෙන් යටවීම නිසා ඔවුන්ට එම නිවාසවල ජීවත් වීමට නොහැකි වී ඇත.
වැස්සට හසුවීමෙන් උතුරු පළාත තුළ නිවාස 20 ක් පමණ සම්පූර්ණයෙන්ම විනාශයට පත්ව ඇති අතර තවත් නිවාස 53 ක් පමණ අර්ධ හානි වලට ලක්ව තිබේ.
මේ නිසා එම නිවාස වල ජීවත් වූ පුද්ගලයින් වෙනත් ආරක්ෂිත ස්ථාන කරා ගොස් සිටිති.
ඔවුන්ට අවශ්ය පිසූ ආහාර ලබා දීමට දිසාපති කාර්යාල මගින් පියවර ගෙන තිබේ.
මේ අතර අධික වර්ෂාවත් සමගම මුලතිව් කලපුවේ ජලය පිටාර ගැලීම නිසා මුලතිව් නගරයට පිවිසෙන මාර්ග බොහොමයක් අද වන විට ජලයෙන් යට වී තිබේ.
මේ හේතුව නිසා මුලතිව් බලා යන පිරිසට වෙනත් විකල්ප මාර්ග භාවිත කිරීමට සිදුව තිබේ.
එම මාර්ග හරහාද සුලඟට ගස් ඉදිරී වැටී තිබීම නිසා ජනතාවට ගමනා ගමන කටයුතු වලට විශාල වශයෙන් බාධාවක්න් සිදුව තිබේ.
බොහෝ මාර්ගද ජලයෙන් යටවීම නිසා ජනතාවට ගමනාගමනකටයුතු වල නිරත වීමට නොහැකි වීමෙන් මුලතිව් පළාතේ ගම්මාන රැසක් හුදෙකලා වී තිබේ.
අපහසුවට පත්ව සිටින ජනතාවට සහය වීම පිණිස මුලතිව් ප්රදේශයේ යුද හමුදා නිලධාරීන් පොලිස් නිලධාරීන් පොලිස් විශේෂ කාර්ය බලකායේ නිලධාරීන් මෙන්ම නාවික හමුදා නිලධාරීන්ද ඉදිරිපත් වී සිටිති.
