දිනසේන රතුගමගේ
හින්දු බැතිමතුන් විසින් වාර්ෂිකව සිදු කරණු ලබන ආගමික ක්රියා දෙකක් හේතුවෙන් මේ දිනවල උතුරේ මස් මාලු කරවල හා බිත්තර අලෙවිය 60% කින් පමණ පහත වැටී ඇති බව වෙළද සංගම් නියෝජිතයෝ පවසති.
හින්දු බැතිමතුන් කතරගම දෙවියන් උදෙසා සිදු කරණු ලබන කන්දෂෂ්ඨි විදම් කාලය 21 වෙනි සිකුරාදායින් ආරම්භ වූ අතර සැප්තැම්බර් 1 දා සිට සරස්වතී පූජා සමය ආරම්භ වෙයි.
කන්දෂ්ඨි විරදම් සමයේදී හින්දු මැතිමතුන් කතරගම දෙවියන් සිහිකොට දෙවියන් උදෙසා තම ජීවිතය බාර කොට පුරා මාසයක කාලයක් ආහාර වර්ජනයක නිරත වෙයි.
එළකිරි කැද හා පලතුරු යුෂ වර්ග පමණක් ආහාරයට ගෙන මේ මාසය ඇතුළත යමක් ප්රාර්ථනා කොට කතරගම දෙවියන්ව සිහි කොට කන්දෂෂ්ඨි විරදම් උපවාසය දියත් කිරීම තුලින් ඒ දේ ඒ ආකාරයෙන්ම ඉටුවන බවට හින්දු බැතිමතුන් තුළ දැඩි විශ්වාසයක් පවතී.
ශ්රී ලාංකිකයින් සාහිත්ය මාසය වශයෙන් හදුන්වනු ලබන සැප්තැම්බර් මාසයේදී හින්දු බැතිමතුන් සරස්වතී දේවිය නමදිමින් සරස්වතී පූජා පැවැත්වීම නිවෙස් කාර්යාල හා වෙනත් පොදු ස්ථාන වලද සිදු කරණු ලබයි.
මේ තුළින් ඥාණය හා ධාරණ ශක්තිය වැඩි වන බවට දැඩි විශ්වාසයක් ඇති නිසා මේ සරස්වතී පූජාවන් පාසල් තුලද එම කාලයට පවත්වනු ලබයි.
සරස්වතී පූජා සමය හා කතරගම දෙවියන් වෙණුවෙන් උපවාස ශීලය සමාදන් වන කාලයේදී මස් මාංශ අනුභව නොකිරීම නිසා ඒවායෙහි අලෙවිය පහල වැටෙන අතර කෙසෙල් ගෙඩි ඇතුළු පලතුරු වර්ග වල උතුරු පළාතේදී බෙහෙවින් ඉහල යයි.
