දිනසේන රතුගමගේ –
කොටි සාමාජිකයින්ගේ ඡායාරූප හා නාමාවලිද සංකේතද යොදා ගෙන මහවිරු සැමරුම් උළෙල පවත්වන පිරිස් අත් අඩංගුවට ගන්නා ලෙස උතුරේ අධිකරණ කීපයකින්ම 20 දා පොලීසිය වෙත නියෝග ලබා දී තිබේ.
එම නියෝගයන් පිළිබඳව සවිස්තරාත්මක විස්තර පොලීසිය විසින් දෙමළ දේශපාලනඥයින් හා දේශපාලන ක්රියාධරයන් විශාල පිරිසකට ලබාදී ඇතත් ඔවුන් එම නියෝග නොතකා මහවිරු දිනය සැමරීම සදහා තොරණ හා සමරු ස්මාරක තැනීමට පටන් ගෙන ඇත.
යාපනයේදී මහවිරු උළෙල සැමරීම සඳහා විශේෂ කූඩාරමක් ඉදි කෙරෙන අතර එහිදී යුද්ධයෙන් මියගිය කොටි සාමාජිකයින් 24379 කගේ නාමාවලියක් හා ඡායාරූප ප්රදර්ශනය කිරීමට පියවර ගෙන තිබේ.
උතුරේ පොලීසි විසින් අධිකරණවලට ඉදිරිපත් කරණ ලද වාර්තාවන් සැලකිල්ලට ගෙන සෑම අධිකරණයකින්ම මහවිරු උළෙල පැවැත්වීම තහනම් කොට ඇතත් පේදුරුතුඩුව පොලිසිය විසින් පේදුරුතුඩුව අධිකරණය වෙත ඉදිරිපත් කරන ලද අධිකරණ වාරණ නියෝගයක් ලබා ගැනීම සදහා වූ පෙත්සම ප්රතික්ෂේප කොට ඇත.
ඒ අනුව පේදුරුතුඩුව අධිකරණ බල ප්රදේශය තුළ මහවිරු උළෙල පැවැත්වීමට නීතීයෙන් බාධාවක් නොමැත.
