මනම්පිටිය නිමල් ජයරත්න –
ජනතාව පීඩාවට පත් කළ ජනාධිපති සහ ආණ්ඩුව වහාම ඉල්ලා අස්විය යුතු බවට බලකරමින් අද රටේ ප්රධාන ප්රදේශවල ප්රධාන මාර්ග සහ අතුරු මාර්ග වසා දමමින් උද්ඝෝෂණ ආරම්භ කර ඇත.
වැලිකන්ද සේනපුර කොට්ඨාසයේ ගොවි සංවිධාන 13ක නියෝජිතයින් රසායනික පොහොර ලබා දෙන ලෙසත්, ඉන්ධන මිල අඩු කර ලෙසටත් රජය සිදුකරන ජනතා පීඩක වැඩ වහාම නතර කරන ලෙසත් ඉල්ලමින් වැලිකන්ද නගරයේ ඉන්ධන පිරවුම් හල ඉදිරිපිට දැවැන්ත විරෝධතාවයක් මේ වනවිටත් පවත්වමින් ඇත. .
අද උදෑසන 9 ට පමණ ආරම්භ වූ මෙම විරෝධය මේ වන විටත් සිදුකෙරේ.
ගාලුපාරේ බලපිටිය පානදුර ප්රදේශත් ගාල්ල මාතර පාරේ කුඩාවැල්ල ප්රදේශයත්, තංගල්ල, කොටදෙණියාව, බණ්ඩාරගම, රාජාංගනය, වැලිමඩ, මාතර, ගාල්ල, දඹුල්ල ඇතුළු ප්රධාන නගර හරහා වාහන හරස්කර මාර්ග අවහිර කරමින් උද්ඝෝෂණ ව්යාපාරවල නියැලීම හේතුවෙන් වාහන ගමනා ගමනය අද උදේ මුලුමනින්ම ඇණහිට තිබිණි. .
ඉන්ධන මිල අඩු කරන ලෙසත්, අත්යාවශ්ය ආහාර ද්රව්ය ලබා දෙන ලෙසත් ඉල්ලමින් උද්ඝෝෂණය කරන ජනතාව වහාම ආණ්ඩුවට ඉල්ලා අස්වන ලෙස බල කරමින් සිටිති.
