දිනසේන රතුගමගේ –
ඉන්දීය ධීවරයින් උතුරු මුහුදට බලහත්කාරයෙන් පැමිණීම වළක්වා දෙන ලෙස ඉල්ලමින් යාපනයේ ධීවර සංවිධාන නියෝජිතයන් හා එහි සාමාජිකයින් විශාල පිරිසක් යාපනයේ පිහිටි නියෝජ්ය ඉන්දීය මහ කොමසාරිස් කාර්යාලය වටලා ඊයේ ( 5 ) විරෝධතාවයක් පවැත්වූහ.
ඉන්දීය ධීවරයින් නිසා සතියකට උතුරේ ධීවරයින්ට රුපියල් කෝටි දෙකක පමණ අලාභයක් සිදුවන නිසා ඉන්දීය ධීවරයින්ගේ පැමිණීම වළක්වා දෙන ලෙස විරෝධතාවයේ නිරත වූ ධීවරයෝ ඉල්ලා සිටියහ.
මුලින්ම යාපනය දිසාපති කාර්යාලය ඉදිරිපිටට එක් වූ ධීවර නියෝජිතයෝ එම ස්ථානයේ විරෝධතාවයක් දක්වා දිසාපතිවරයාට ලිපියක් බාර දී පා ගමනින් නියෝජ්ය ඉන්දිය මහ කොමසාරිස් කාර්යලය දක්වා ගමන් කොට කාර්යාලය වටලා විරෝධතවයේ නිරත වූහ.
පොලීසිය පමිණ විරෝධතාකරුවන් ඉවත් කිරීමට උත්සහ කළද ඔවුන් කියා සිටියේ තමන්ට එහි නිලධාරීන්ට මේ අසාධාරණය ගැන තොරතුරු කිව යුතු බවය.
පසුව යාපනයේ පිහිටි නියෝජ්ය ඉන්දීය මහ කොමසාරිස් කාර්යලයේ නිලධාරියෙකු පැමිණ යාපනයේ ධීවර සමීති සාමාජිකයින් සමග සාකච්ඡා කොට ධීවරයින්ගේ ඉල්ලීම් ඇතුළත් ලිපිය බාර ගන්නා ලදී.
යාපනයේ ධීවර සමීති නායකයින්ට එම නිලධාරියා ප්රකශ කොට තිබුණේ මේ ඉන්දීය ධීවරයින්ගේ ප්රශ්නය පිළිබදව රටවල් දෙකටම ඉතා හොඳ අවබෝධයක් පවතින නිසා ඉතා ඉක්මනින්ම රාජ්ය තාන්ත්රික මට්ටමින් සාකච්ඡා කොට ප්රශ්නයට විසදුමක් ලබා දෙන බවය..
