දිනසේන රතුගමගේ –
ඉන්දීය ධීවරයින් උතුරු මුහුද ආක්රමණය කරමින් බලහත්කාරයෙන් සිදු කරණු ලබන ධීවර කටයුතු වහාම නවතා දීමට පියවර ගන්නා ලෙස ජනාධිපතිවරයාගෙන් ඉල්ලීමක් කරමින් මුලතිව් ධීවරයෝ තැපැල්පත් දස දහසක අත්සන් තැබීමේ කටයුතු ඊයේ ( 21 ) ආරම්භ කොට තිබේ.
මුලතිව් දිස්ත්රික්කයේ සෘජුවම ධීවර කර්මාන්තයේ යෙදෙන ධීවරයින් හා ඔවුන්ගේ පවුල්වල පිරිස්ද වක්රව එම වෘත්තීන්වල නිරත පවුල්ද තැපැල්පත් අත්සන් කිරීමේ කටයුතු වලට සහය දක්වනු ලබයි.
මේ සියලුම තැපැල් පත් විශේෂ පෙට්ටිවල බහා ජනාධිපතිවරයාට ධීවර අමාත්යවරයා හරහා බාර දීමට මුලතිව් ධීවරයින් පියවර ගැනීමට නියමිතය.
ඔවුන් අත්සන් තබන තැපැල් පත්වල සදහන් කොට ඇත්තේ ඉන්දීය ධීවරයින් ට්රෝලර් යාත්රා වලින් පැමිණ උතුරු මුහුදේ බොටම් ටෝලර් ක්රමයට මසුන් මැරීමේ නිරත වීම නිසා උතුරේ ධීවරයින්ට අයත් මත්ස්ය සම්පත කොල්ල කෑම පමණක් නොව මත්ස්ය බිත්තර හා සාගර සම්පත් සියල්ල විනාශවන බවය.
වත්මන් ජනාධිපතිවරයා මේ අර්බූදයට වහාම මැදිහත් වී ඉන්දීය රජය සමග සාකච්ඡා කොට ඉන්දීය ධීවරයින්ගේ ප්රශ්නය විසදා දෙන ලෙස තැපැල්පත් මගින් මුලතිව් ධීවරයින් ඉල්ලා ඇත.
