තමිල්නාඩුවේ නැගෙනහිර වෙරළේ නාගපට්ටිනම් සහ ශ්රී ලංකාවේ උතුරු පළාතේ කන්කසන්තුරේ අතර ජාත්යන්තර, අධිවේගී මගී යාත්රා සේවාවක් දශක හතරකට ආසන්න කාලයකට පසු අද (14) උදේ ආරම්භ කරනු ලැබුවේය.
වරාය, නාවික සහ ජල මාර්ග පිළිබඳ මධ්යම රජයේ අමාත්ය සර්බානන්ද සොනොවාල් සහ තමිල්නාඩු ප්රසිද්ධ වැඩ, මහාමාර්ග සහ කුඩා වරාය පිළිබඳ අමාත්ය ඊ.වී. වේලු විසින් සෙනසුරාදා නාගපට්ටිනම් වරායේ සිට ශ්රී ලංකා ඉන්දියා යාත්රා සේවය ආරම්භ කරමින් ගමනාරම්භය සංඥා කරන ධජය ඔසවනු ලැබූහ.
චෙරියපානි නැමැති මෙම අධිවේගී යාත්රාව (HSC) කපිතාන් බිජු ජෝර්ජ්ගේ ප්රධානත්වයෙන් මගීන් 50 ක් සහ කාර්ය මණ්ඩලයේ 12 දෙනෙකු සමඟ නාගපට්ටිනම් වරායෙන් පෙරවරු 8.15 ට පමණ ගමන ආරම්භ කළේය.
වීඩියෝ පණිවුඩ මගින් අග්රාමාත්ය නරේන්ද්ර මෝදි සහ ශ්රී ලංකා ජනාධිපති රනිල් වික්රමසිංහ රාජ්ය තාන්ත්රික ප්රයත්නය අගය කළ අතර ජාතීන් දෙක අතර යාත්රා සේවාව දියත් කිරීමේ වැදගත්කම අවධාරණය කළහ.
එය ඉන්දියාව සහ ශ්රී ලංකාව අතර රාජ්ය තාන්ත්රික හා ආර්ථික සබඳතාවල නව පරිච්ඡේදයක් ලෙස හඳුන්වන ඉන්දීය අගමැති මෝදි දෙරට අතර සංස්කෘතික, වාණිජ සහ ශිෂ්ඨාචාරමය සබඳතා ශක්තිමත් කිරීමට ඉවහල් වනු ඇතැයි පැවසීය.
සම්බන්ධතාව යනු ඉන්දියා – ශ්රී ලංකා ආර්ථික හවුල්කාරිත්වයේ ඒකාබද්ධ දැක්මේ කේන්ද්රීය තේමාව වන අතර, රාමේෂ්වරම් සහ තලෙයිමන්නාරම අතර ද යාත්රා සේවාව නැවත ක්රියාත්මක කිරීමට ඉන්දියාව පියවර ගන්නා බව අග්රමාත්යවරයා පැවසීය.
