දිනසේන රතුගමගේ –
අයහපත් කාලගුණික තත්ත්වය මත නවතා දමා තිබූ ඉන්දියාව හා කන්කසන්තුරේ අතර මගී නැව් සේවාව ජනවාරී මස 2 දා සිට යළි ආරම්භ කෙරෙන බව ‘’ශිව ගංගී ‘’ නැව් සමාගම අද ( 31 ) නිවේදනය කොට තිබේ.
ඒ අනුව සතියේ ඉරිදා හැර අනෙක් සියලුම දින වලදී මගී නැව් සේවාව ක්රියාත්මක කිරීමට අදාල නැව් සමාගම පියවර ගෙන ඇත.
මෙම නැව් සේවාවට මාස් මෝසම් වර්ෂාව විශාල බලපෑමක් සිදු කරන බැවින් එම කාලයට නැව් සේවාව තාවකාලිකව නවතා දැමීමට සිදුවීම පිළිබ්දව ශිව ගංගී නැව් සමාගම අවධානය යොමු කොට ඇති බවත් ඊට කිසියම් විකල්ප ක්රියා මාර්ගයක් අනුගමනය කොට වසර පුරාම නැව් සේවාව පවත්වා ගෙන යාමට අවශ්ය තාක්ෂණික උපදෙස් ඉල්ලා ඇති බවත් සමාගමේ අධ්යක්ෂවරයා නිකුත් කළ නිවේදනයේ වැඩිදුරටත් සඳහන්වේ.
නව වසරේ නැව් සේවාව අලුතින් ආරම්භ කිරීමත් සමගම ඉන්දියාවේ නාගපට්ටිනම් සිට යාපනයේ කන්කසන්තුරේ දක්වා තනි ගමනකට නැව් ගාස්තුව රුපියල් 35000 ක් ලෙස නියම කොට ඇති අතර එම ගාස්තුව කලින් තිබූ ගාස්තුවට වඩා රුපියල් 1600 ක අඩුවීමකි.
