ඉන්දීය විදේශ කටයුතු අමාත්ය ආචාර්ය එස් ජයශංකර් අඟහරුවාදා හයිද්රාබාද් මන්දිරයේදී මාලදිවයිනේ විදේශ කටයුතු අමාත්ය අබ්දුල්ලා ෂාහිඩ් සමඟ විශේෂ නියෝජිත මට්ටමේ සාකච්ඡා පැවැත්වීය.
එම නියෝජිත සාකච්ඡාවෙන් අනතුරුව ඉන්දියාව සහ මාලදිවයින විසින් හයිද්රාබාද් මන්දිරයේදී විවිධ ගිවිසුම් සහ අවබෝධතා ගිවිසුම් කීපයකටම අත්සන් කරනු ලැබීය.
මෙම හමුව සම්බන්ධයෙන් ඉන්දීය විදේශ අමාත්යවරයා සිටි නිල ට්විටරර් ගිණුමේ සටහනක් තබමින් කියා සිටියේ, “මාලදිවයින් විදේශ අමාත්ය අබ්දුල්ලා ෂාහිඩ් සමඟ අද උණුසුම් හා ඵලදායී හමුවක් පැවැත්විණි. අපගේ සංවර්ධන හවුල්කාරිත්වයේ ස්ථාවර ප්රගතිය ඉගෙන ගැනීමට එහිදී දිරිගන්වනු ලැබීය. එය අපගේ අසල්වැසියාගේ ආර්ථික වර්ධනයට සහ සමාජ සුබසාධනයට සෘජුවම දායක වේ. ඉන්දියානු සාගර කලාපයේ ස්ථාවරත්වය සහ සමෘද්ධිය සහ අපගේ සහයෝගීතාවය එම අරමුණු ඉදිරියට ගෙන යන ආකාරය පිළිබඳ හවුල් ඉදිරිදර්ශනය එනම් අසල්වැසියා ප්රථමයෙන් යන ඉදිරි දැක්ම සඳහා අද හොඳ දවසක් විය,”යනුවෙනි.
මේ අතර මාලදිවයිනේ විදේශ කටයුතු අමාත්ය අබ්දුල්ලා ෂාහිඩ් ට්විටර් හරහා දන්වා සිටියේ විශාල වාසි අත්වන ප්රජා සංවර්ධන ව්යාපෘති යෝජනා ක්රමයේ දෙවන අදියර යටතේ මාලදිවයින සහ ඉන්දියාව නව අවබෝධතා ගිවිසුම් නවයක් හුවමාරු කරගත් බවයි.
ඒ අනුව ඉන්දියාව සහ මාලදිවයින අතර වොලි උසාවියක්, මානසික සෞඛ්ය ඒකකයක්, පාසල් ඩිජිටල්කරණ ව්යාපෘතියක්, රෝහල් සහ පාසල් නංවාලීම සහ සංස්කෘතිය සුරැකීම පිළිබඳ විවිධ අවබෝධතා ගිවිසුම් මෙහිදී අත්සන් කරන ලදී.
මෙම ගිවිසුම් මගින් දෙරටටම වාසි අත්වන අතර එමගින් දෙරටේ සමාජීය සහ මානව සංවර්ධන කටයුතු වලට සෘජු දායක්තවයක් සැපයෙනු ඇති බවටද අපෙක්ෂිතය.
