ඉන්දීය ජාතික කණ්ඩායමේ පන්දු රැකීමේ පුහුණුකරු වෙක් ලෙස කටයුතු කළ ආර්. ශ්රීධර්, ශ්රී ලංකාවේ නව පන්දු රැකීමේ පුහුණුකරු ලෙස පත් කරගෙන තිබේ.
ඒ අනුව පෙබරවාරි 7 සිට මාර්තු 9 දක්වා ඉන්දියාවේ සහ ශ්රී ලංකාවේ පැවැත්වෙන 2026 විස්සයි20 ලෝක කුසලානය සඳහා ශ්රී ලංකා කණ්ඩායමේ පන්දු රැකීමේ පුහුණුකරු ලෙස ආර්. ශ්රීධර් පත් කළ බව අද ( 17) ශ්රී ලංකා ක්රිකට් (SLC) නිවේදනය කළේය.
“ශ්රී ලංකා ක්රීඩකයින් සැමවිටම සහජ දීප්තිය සහිතයි… ඔරොත්තු දීමේ හැකියාව සහ සාමුහිකත්වයෙන් යුතුයි. මගේ කාර්යභාරය වන්නේ පද්ධතියක් ඇති කිරීම නොව, ශාරීරික යෝග්යතාවය. දැනුවත්භාවය සහ අභිමානය ස්වභාවිකව වර්ධනය විය හැකි පරිසරයක් ඇති කර පෝෂණය කිරීමයි,” ශ්රීධර් ප්රකාශ කර තිබේ.
ආර්. ශ්රීධර් 2014 සිට 2021 දක්වා ජාත්යන්තර තරඟ 300 කට අධික සංඛ්යාවක් ආවරණය කරමින් ඉන්දියාවේ පන්දු රැකීමේ පුහුණුකරු ලෙස සේවය කර ඇත.
ශ්රීධර්ගේ පත්වීම දෙසැම්බර් 11 වන දින සිට ලෝක කුසලානය අවසන් වන තෙක් බලපැවැත්වෙනු ඇත. එනම් ඔහු එංගලන්තයට සහ පාකිස්තානයට එරෙහිව ශ්රී ලංකාව සහභාගී වන විස්සයි 20 තරගාවලියේදී කණ්ඩායමේ පන්දු රැකීමේ අංශය භාරව කටයුතු කරනු ඇත.
55 හැවිරිදි ඔහු මීට පෙර ශ්රී ලංකාවේ ඉහළ කාර්ය සාධන මධ්යස්ථානයේ දින 10 ක පන්දු රැකීමේ වැඩසටහනක් සඳහා සේවය කර තිබිණි
