ඉදිරි මාස තුනක කාලය තුළ සෞඛ්ය ක්ෂේත්රයේ විවිධ අංශ සඳහා නව බඳවා ගැනීම් 6,145ක් සිදුකරන බව සෞඛ්ය ඇමති වෛද්ය නලින්ද ජයතිස්ස අද (06) පාර්ලිමේන්තුවේ දි පැවසුවේය.
ඔහු මේ බව ප්රකාශ කළේ සෞඛ්ය අමාත්යාංශයේ වැය ශීර්ෂය පිළිබඳ සිය කථාව පවත්වමිනි. එහිදී අමාත්ය නලින්ද ජයතිස්ස මෙසේ ද පැවසුවේය.
එම බඳවා ගැනීම් සිදුවන ආකාරය අමාත්යවරයා පාර්ලිමේන්තුවට විස්තර කළේ මෙසේය.
පවුල් සෞඛ්ය සේවා නිලධාරිනියන් 976කට මාර්තු මාසේ මැද පත්වීම් ලබා දෙනවා. මහජන සෞඛ්ය පරීක්ෂකයින් 238කට, ඖෂධ වේදීන් 65කට වෘත්තීය චිකිත්සකයින් 43කට, විකිරණ ශිල්පීන් 41කට මාර්තු මැද වනවිට පත්වීම් ලබා දෙනවා.
හෙද නිලධාරීන් 3247කට අප්රේල් මාසේ පත්වීම් ලබා දෙනවා. හෙද නිලධාරීන්ගේ අඩුවට සැලකිය යුතු උත්තරයක් මෙතැනින් ලැබෙනවා. උපස්ථායකියන් 1000ක් බඳවා ගන්න අනුමැතිය ලැබිලා තියනවා. දැන් අපි සීමිත බඳවා ගැනීම් සඳහා දැනුම් දීම් කරලා තියෙන්නේ. 2025 මැයි මාසය වනවිට උපස්ථාකයින් 1000ක් බඳවා ගන්නවා.
වාට්ටු ලිපිකාරිණියන් 50ක්, නිවාස භාර කරුවන් 49කට අයදුම් පත් කැඳවා තියෙන්නේ. බඳවා ගන්න නියමිතයි. ඒ වගේම අප්රේල් මාසේ මුල් සතියේ දි ඖෂධ සංයෝජකයින් 151ක්, පාසල් දන්ත චිකිත්සකයින් 68ක්, තන්තු රේඛණ ශිල්පීන් 61ක්, සෞඛ්ය කීට විද්යා නිලධාරීන් 30ක්, මහජන සෞඛ්ය රසායනාගාර ශිල්පීන් 21ක්, විකිරණ ශිල්පීන් 88ක්, ශ්රවනවේදී කාර්මික ශිල්පීන් 17ක් සඳහා ඒ අයගේ අවශ්ය කරන පුහුණුව ආරම්භ කරනවා.
