-
අපි දේශපාලනය කරමු… ඒ්ත් දරුවන්ගේ ජීවිත සහ අධ්යාපනය එක්ක මේවා ගාවගන්නේ නැතිව ඉඳිමු.
ඉතිහාසය සහ සෞන්දර්යය විෂයයන් විෂය ධාරාවෙන් ඉවත් කිරීමට සූදානම් බවට මේ වනවිට සමාජ මාධ්යය හරහා ගොඩ නගන්නට උත්සාහ කරමින් ඇති සංවාදය මුලුමනින්ම විකෘති සහගත අසත්යයක් බවත්, නව අධ්යාපන ප්රතිසංස්කරණය තුළ එවැනි කිසිම සූදානමක් නොමැති බවත් අගමැතිනී මෙන්ම අධ්යාපන අමතිනිය වූ ආචාර්ය හරිනි අමරසූරිය අද (17) අවධාරණය කළාය.
නව අධ්යපන ප්රතිසංස්කරණයෙන් සෞන්දර්ය හා ඉතිහාසය විෂය ඉවත් කරලා නැහැ. අපි දේශපාලනය කරමු නමුත් දරුවන්ගේ අධ්යාපනය ඒකට ගාවගන්න එපා. අධ්යාපන ප්රතිසංස්කරණය හරහා සෞන්දර්ය, ඉතිහාසය සහ වෘත්තීය විෂයක් හැදෑරීම අනිවාර්ය කරලා තිබෙනවා. එකේ විෂයයන් හදාරන්නේ කොහොමද, එක් විෂයකට කොටු නොවී ගුණාත්මක දරුවෙක් ගොඩනගන්නේ කොහොමද කියලා අපි පැහැදිලි කරලා තියෙනවා”
අද බස්නාහිර පළාත් සභාවේ පැවති නව අධ්යාපන ප්රතිසංස්කරණ පිළිබඳව බස්නාහිර පළාත් අධ්යාපන බලධාරීන් දැනුවත් කිරීමේ වැඩසටහනට සහභාගි වෙමින් ඇය ප්රකාශ කළේ මේ අවිචාරවත් මතවාදය ඉතාම අවාසනාවන්ත ලෙස සමාජගත කර ඇත්තේ මේ ක්රියාදාමයේ එක් අවස්ථාවක් රූපිත කොටසක් උලුප්පා දක්වමින් බවය.
අගමැතිවරිය පැහැදිලි කළේ ප්රධාන අනිවාර්යය විෂයයන් 05ක් ඇති බවය. තෝරාගෙන අධ්යයනය කළ හැකි විෂය විශාල ප්රමාණයක් ඇති බව කී ඇමතිවරිය ඒ් ලයිස්තුව තුළ ඉතිහාසය සහ සෞන්දර්යය විෂයයන් ඇති බව කීවේය. එමෙන්ම තෝරාගත හැකි විෂයයන් සම්බන්ධව ද කොන්දේසි ඇති බව ඇය පෙන්වා දුන්නාය.
ඉතිහාසය සහ සෞන්දර්ය විෂයයන් අයත් වන්නේ මානව ශාස්ත්ර සමාජවිද්යා විෂය ධාරාවට අයත්වන බව පෙන්වා දුන් අගමැතිවරිය මේ අවස්ථාවේ දී දරුවාගේ තෝරා ගැනීම් සම්බන්ධව මෙතැනදී නිර්ණායක ඉදිරිපත් කරන බව පැහැදිලි කළාය. ගණිත විෂය ධාරාව, විද්යා විෂය ධාරාව සහ වාණිජ විෂය ධාරාව තෝරා ගන්නා සෑම දරුවෙකුටම අනිවාර්යයෙන්ම ඉතිහාසය සහ සෞන්දර්යය අනිවාර්යය බවය.
“මොකද අපි මේක හැදුවෙම මේ අධ්යාපන ප්රතිසංස්කරණය ගැන හිතනකොටම අපි හිතුවේ තමන්ගේ ක්ෂේත්රයටම විතරක් කොටු නොවන ළමයෙක් අපි කොහොමද නිර්මාණය කරන්නේ කියලා. ඒතනදි අපි අනිවාර්යයෙන්ම සාකච්ඡා කළ දෙයක් තමයි ඉතිහාසය සහ සෞන්දර්යය කියන විෂයයන් සියලුම දරුවන්ට හරිම වැදගත් කියලා හිතපු එක. වෘත්තීය විෂය ධාරාවන්හි යන දරුවටත් ඉතිහාසය සහ සෞන්දර්යය අනිවාර්යයයි. මානව ශාස්ත්ර සහ සමාජ විද්යා විෂය ධාරාව කරන ළමයින්ට කොහොමත් ඒ් විෂයයන් 4ක් තෝරගන්න වෙන නිසා ඒ් හතරෙන් ඒකක් අනිවාර්යයෙන් ඉතිහාසය තෝරා ගන්න වෙනවා.”
ඒ් අමතරව මොන වියෂ ධාරාවලින් කළත් ඒක් විෂයයක් “ස්කිල් ” විෂයයක් තෝරා ගන්න වෙනවා. අපට අවශ්ය උනේ වැඩ ලෝකයටත් සූදානම් වෙන්න යොමුවක් තියන දරුවෙක්… සෞන්දර්යාත්මකව, සමාජ හැඟීමක් තියෙන දරුවෙක්… තමන්ගේ අනන්යතාවය ගැන අවබෝධයක් තියන තෝරා ගන්නා විෂය ධාරාවේ ඉදිරියට යන්න පුලුවන් දරුවෙක්… ඒ්ක කරන්න පුලුවන් විදිහට තමයි මේ ව්යුහය හදලා තියෙන්නේ.
“හරිම අවාසනාවන්ත විදිහට මේ මැද තියන කරුණක් අරන් ඉතිහාසය සහ සෞන්දර්යය මේ විෂය මාලාවෙන් හලලා කියන ඉතාමත්ම අසත්ය වැරදි මතයක් සමාජය තුළ ගොඩ නගනන්න හදන්නේ. ”
අපි දකින විදිහට මේක ඉතාම ඔ්නකමින් මේ වැඩේ කඩාකප්පල් කරලා දාන්න එළියේ මතයක් හදන්න දරන උත්සාහයක්. ඒ්ක හරිම වැරදියි. අපි දේශපාලනය කරමු. අධ්යාපනය හා දරුවන්ගේ ජීවිත එක්ක මේවා ගාවගන්නෙ නැතිව ඉඳිමු. මේ තරම් ජාතික වැදගත්කමක් තියෙන දෙයක් ඇතුළට මේ විදිහට බොරු කතා හදන්න දරන උත්සාය හරිම වැරදියි…”
අගමැතිනිය කීවාය. මේ ඇය අද කළ කතාවය.
