මහනුවර ඓතිහාසික ඇසළ පෙරහර මංගල්යය මෙවර අගෝස්තු මස 21දින සිට අගෝස්තු 31වැනි දින තෙක් පැවැත්වීමට සියලු කටයුතු සූදානම් බව දළදා මාලිගාවේ දියවඩන නිලමේ නිලංග දෑල නිලංග දෑල මහතා පවසයි.
පෙරහැර චාරිත්රානුකූලව කප් සිටුවීම අගෝස්තු 17 වැනි දින අලුයම 6.12ට යෙදෙන සුබ මොහොතින් සිදු කෙරේ. එතැන් සිට සිව්දිනක් සිව්මහා දේවාල අභ්යන්තර පෙරහර පැවැත්වෙයි.
පළමු කුඹල් පෙරහර අගෝස්තු 21සදුදා දින අපරභාග 6 පසුවී විනාඩි 53ට නිරිතදිග දිශාභිමුඛව ආරම්භ වේ. දින පහක් කුඹල් පෙරහර පැවැත්වීමෙන් අනතුරුව අගෝස්තු මස 26 වැනි දින ප්රථම රන්දෝලි පෙරහර වීදි සංචාරය කරයි.
අවසන් රන්දෝලි මහ පෙරහර අගෝස්තු තිස්වැනි පොහොය දා රාත්රියේ වීදි සංචාරය කිරීමෙන් අනතුරුව අගෝස්තු මස තිස් එක් වැනි දින දහවල් එකොළහට දහවල් පෙරහර පවත්වා පෙරහර මංගල්යය අවසන් කෙරේ.
