සෙංකඩගල ඇසළ පෙරහර මංගල්යයට ගෞරවයක් වශයෙන් ශ්රී ලංකා යුද හමුදාව වාර්ෂිකව සිදුකරන කොප්පරා පූජාව අද (11) අලුයම මහනුවර ශ්රී දළදා මාලිගාවේ දී සිදු කෙරිණි.
මෙම පූජාව සිදුවුණේ යුද හමුදාපති මේජර් ජනරාල් විකුම් ලියනගේ ප්රධානත්වයෙනි.
ඇසළ පෙරහර මංගල්යයේ වීදි ආලෝකමත් කිරීමට භාවිතා කරන පන්දම් සඳහා මෙම කොප්පරා යොදා ගැනෙන බව යුද හමුදාපති විකුම් ලියනගේ ප්රකාශ කළේය. කොප්පරා මෙට්රික් ටොන් 15ක ප්රමාණයක් ඇසළ පෙරහැර මංගල්යයට පරිත්යාග කෙරෙන අතර එය සංකේතාත්මක කරමින් යුද හමුදාපතිවරයා විසින් කොප්පරා බදුනක් දියවඩන නිලමේ ප්රදීප් නිලංග දෑල වෙත ප්රදානය කරන ලදි.
එම කොප්පරා ශ්රී දළඳා මාලිගාව සහ නාථ, විෂ්ණු,පත්තිනි සහ කතරගම යන සිව්මහා දේවාලවල අවශ්යතාවය වෙනුවෙන් යොදා ගනී.
ශ්රී ලංකා යුද හමුදාවට අයත් බෝයගනේ පිහිටි විජයබාහු පාබල රෙජිමේන්තුවේ භටපිරිස් විසින් මෙම කොප්පරා සකස් කොට ඇති අතර වර්ෂ 2014 සිට අඛණ්ඩව ඇසළ පෙරහැර මංගල්යය වෙනුවෙන් කොප්පරා පූජා කිරීම ශ්රී ලංකා යුද හමුදාව විසින් සිදුකරන බව ද යුද හමුදාපති විකුම් ලියනගේ සඳහන් කළේය.
මහනුවර දිස්ත්රික් ලේකම් චන්දන තෙන්නකෝන් මහතා, විජයබාහු පාබල රෙජිමේන්තුවේ අණදෙන නිලධාරි මේජර් ජෙනරාල් නිශාන්ත මානගේ සහ යුද හමුදාවේ නිලධාරීන් රැසක් මේ අවස්ථාවට එක්ව සිටියහ