නාවික බුද්ධි තොරතුරු මත හමුදාව විසින් ගැඹුරු මුහුදේදී සිදුකළ මෙහෙයුමක දී ඊයේ (25) අත් අඩංගුවට ගත් වීදි වටිනාකම කෝටි 500 ඉක්මවූ කිලෝ ග්රෑම් දෙසීයකට ආසන්න හෙරොයින් සහ අයිස් මත්ද්රව්ය තොගයක් සහිත බහුදින ධීවර යාත්රාවක් සහ සැකකරුවන් 6 දෙනෙක් අද (26) දික්ඕවිට වරාය වෙත රැගෙන ආවේය.
යාත්රාව අත් අඩංගුවට ගත් බව සැලවූ පසු රටින් පිටවී මාලදිවයිනට පැනයන්නට උත්සාහ කළ මත්ද්රව්ය ප්රවාහනය කළ බහුදින ධීවර යාත්රාවේ හිමිකරු ද කටුනායක ගුවන් තොටුපල පොලිස් මත්ද්රව්ය නාශක කාර්යාංශයේ නිලධාරීන් විසින් ඊයේ (25) රාත්රියේ දී අත් අඩංගුවට ගෙන ඇත. 38 හැවිරිදි සැකකරු මීගමුව පළඟතුරේ ප්රදේශයේ පදිංචිකරුවෙකි.
මෙම මෙහෙයුමේ දී දිවයිනට බස්නාහිර මුහුදේ කිලෝමීටර 223ක් පමණ දුරකින් යාත්රා කරමින් තිබු බහුදින ධීවර යාත්රාව නාවික හමුදාව විසින් සිය භාරයට අද උදේ දික්ඕවිට වරාය වෙත රැගෙන ආවේය.
දැනට හෙළි වී ඇති මූලික විමර්ශන තොරතුරු අනුව මෙම මත්ද්රව්ය තොගය ඩුබායි රාජ්යයේ සිට ලංකාවට රැගෙන විත් ඇත.
මෙහෙයුමෙන් අත් අඩංගුවට ගත් මත්ද්රව්ය තොගය පරීක්ෂා කිරීමට නාවික හමුදාපති වයිස් අද්මිරාල් ප්රියන්ත පෙරේරා ද අද දික්ඕවිට වරයාට පැමිණ සිටියේය. නාවිකය හමුදාපතිවරයා පැවසුවේ අයිස් මත්ද්රව්ය පාර්සල් 138ක් සහ හෙරොයින් මත්ද්රව්ය පාර්සල් 45ක් සහිත මෙම මත්ද්රව්ය තොගය දල වශයෙන් කිලෝ 200කට ආසන්න බව පෙනී යන බවය.
දල වීදි වටිනාකම කෝටි 500ක් වූ මෙම මත්ද්රව්ය තොගය සමග මේ වර්ෂය තුළ අද දින වනවිට නාවික හමුදා අත් අඩංගුවට පත් මත්ද්රව්යවල වටිනාකම රුපියල් බිලියන 13ක් ( මිලියන 1300ක් ) ඉක්මවා ඇති බවය. 2023 වර්ෂයේ අත් අඩංගුවට ගත් මත්ද්රව්යවල වටිනාකම රුපියල් බිලිය 26ක් ( මිලියන 26000ක්) ඉක්මවූ වීදි වටිනාකමක් සහිත බව ද නාවික හමුදාපතිවරයා පැවසුවේය.
ආරක්ෂක අංශ මගහරිමින් මෙම මත්ද්රව්ය තොගය වෙනත් ස්ථානයකට ප්රවාහනයය කරමින් තිබුනේ දැයි සැක සහිත බවත් ඒ පිළිබඳව ද විමර්ශන දියත් වී ඇති බවත් විමර්ශන අංශ පවසයි
