ලලිත් චාමින්ද –
ජාතික ජලජ සම්පත් පර්යේෂණ හා සංවර්ධන නියෝජිතායතනය ( NARA) විසින් පුද්ගලික සමාගමක් හරහා රුපියල් ලක්ෂ 25ක මුදලක් වැයකොට නිෂ්පාදනය කරනු ලැබු කෘතිම ඇම දැල්ලන් වෙතට මසුන් ආකර්ශනය නොවිම හේතුවෙන් රජය වැයකළ එම මුදල අපතේ ගොස් ඇති බැව් ජාතික විගණන කාර්යාලය මගින් 2019 වර්ෂයට අදාලව නිකුත්කොට ඇති විගණන වාර්තාවේ සදහන් වේ.
පුද්ගලික සමාගමක් විසින් කෘතිම ඇම දැල්ලන් නිෂ්පාදනය පිළිබද ව්යාපෘති යෝජනාවක් පදනම්කරගෙන එය ක්රියාත්මක කිරීම සඳහා අමාත්යංශය විසින් 2018 10.03 වැනිදින ජාතික ජලජ සම්පත් පර්යේෂණ හා සංවර්ධන නියෝජිතායතනය( NARA) වෙත රුපියල් ලක්ෂ 25ක මුදලක් ගෙවා තිබුණි.
එම ගෙවිම සඳහා අමාත්යංශ ලේකම්වරයාගේ අනුමැතිය ලබාගෙන නොතිබු බව විගණන වාර්තාවේ දැක්වේ.
නාරා ආයතනය විසින් රජයේ ප්රසම්පාදන හා මාර්ගෝපදේශවලට පටහැනිව කටයුතු කරමින් කෘතිම ඇම දැල්ලන් 1500ක් නිෂ්පාදනය කොටභාරදිමේ කොන්ත්රාත්තුව පුද්ගලික සමාගමක් වෙත ලබා දි තිබුණි.
2018 වර්ෂයේ 10 වැනිමස 16 වැනිදින එම මුළු මුදලම අදාල සමාගම වෙත ගෙවා තිබු බවද විගණන වාර්තාවේ සදහන් වේ. අදාල භාණ්ඩ එකඟවි තිබුණු පිරිවිතරවලට හා ප්රමාණයට සපයා නොතිබුණි.
ජාතික ජලජ සම්පත් පර්යේෂණ හා සංවර්ධන නියෝජිතායතනය ( NARA) සිදුකළ පර්යේෂණ මත පදනම්ව 2019 අගෝස්තු 30වැනිදින නිකුත්කර තිබු පර්යේෂණ වාර්තාවේ නිගමනය අනුව කෘතිම ඇම දැල්ලන් වෙතට මසුන් ආකර්ශනය නොවිම හේතුවෙන් රජය වැයකළ එම මුදල අපතේ ගොස් ඇති බවද විගණනයේ දි අනාවරණය වි ඇත.
