ශ්රියානි විජේසිංහ –
-
විසඳුම් දෙන කමිටු වාර්තාව ලැබෙන්නේ ලබන 04 වෙනිදා… ඒ වෙනකොට නොබෙදූ ලිපි එක් කෝටි හැට ලක්ෂයක් තැපෑලේ ගොඩ ගැහෙන්න නියමිතයි… වෘත්තීය සමිති පවසයි…
මධ්යම .තැපැල් හුවමාරුවේ ඇඟලි සලකුණුයන්ත්ර ක්රියාත්මක කිරීමත් සමඟ තැපැල් සේවකයින්ගේ අතිකාල ගෙවීම නතර කිරිම හේතුවෙන් මධ්යම තැපැල් හුවමාරුවේ මේ වන විට කෝටියකට අධික තැපැල් භාණ්ඩ ගොඩ ගැසී ඇති බවත් දෛනිකව ලිපි ලක්ෂ 20ක් එකතුව බවත් ඒකාබද්ධ තැපැල් වෘත්තීය සමිති පෙරමුණේ සමකැඳවුම්කරු චින්තක බණ්ඩාර පවසා සිටියි.
සේවකයින්ගේ අතිකාල ගෙවීම සඳහා විශේෂ කමිටුවක් පත් කර ඇති නමුත් මේ වන විටත් එම කමිටුව තොරුතු රැස්කරමින් පවතින බව පෙන්වා දෙන සම කැඳවුම්කරු එම වාර්තාව ලබන 4 වෙනිදාට හෝ ඊට පෙර ලබාදෙන ලෙස තැපැල්පතිවරයා දන්වා ඇතැයිද පවසයි.
මෙම කමිටු වාර්තාව ලැබෙන තෙක් පරණ ක්රමයට තැපැල් සේවකයින්ට අතිකාල දීමනාවන් ලබා දෙන මෙන් තැපැල්පතිවරයා මුණ ගැසී පැවසුවද ඔහු සඳහන් කරනුයේ කමිටු වාර්තාව එළි දැක්වෙන තෙක් අමතර සේවාවන් සපයන ලෙසත් එයට ගෙවීමක් කරන බවත්ය.
නමුත් එම ගෙවීම සිදුකරනුයේ කෙසේද? කොපමණ ප්රමාණයන්ගෙන්ද?යන්න තැපැල්පතිවරයා සඳහන් නොකරන බැවින් එසේ සඳහන් නොකරන දීමනාවන් ගැන සිතා අමතර සේවාවන් සැපයිය නොහැකි බව සේවකයින්ගේ මතය වි ඇතැයිද හෙතෙම පැවසුවේය.
දිනකට ලිපි ලක්ෂ 20ක් එකතු වන බැවින් වාර්තාව ලැබෙනුයේ ලබන මස 4 වෙනිදා නම් අද (29) දිනයේ සිට එම දිනය දක්වා එකතු වන ලිපි ප්රමාණය ලක්ෂ 160ක් පමණ වනු ඇති බවද පැවසේ.
මෙම ලිපි අතර ඇතැම් පුද්ගලයින්ගෙ ජීවිතය තීරණය කරන් ලිපි, සම්මුඛ පරික්ෂණයන් සහභාගිවීම සඳහා යොමුකල ලිපි, දරුවන්ව පාසලට ඇතුළත් කර ගැනීම සඳහාවන ලිපි, සුළු හා මධ්ය පරිමාන ව්යාපාරිකයින්ගේ ලිපි විය හැකි බව ඔහු පවසයි.
තැපෑලේ පවතින ප්රශ්නය ගැන ඇමතිවරයා හෝ ලේකම්වරයා නොබලන බවත් තැපෑල අකර්මණ්ය කර විකිණීමට කටයුතු කරන්නේද යන්න සැකයක් තැපැල් සේවකයින් අතර හටගන තිබෙන බවත් ඒකාබද්ධ තැපැල් වෘත්තීය සමිති පෙරමුණේ සමකැඳවුම්කරු චින්තක බණ්ඩාර පැවසුවේය
