කීර්ති ප්රනාන්දු –
ඉන්දියාවෙන් ආනයනය කළ බිත්තර බේකරි වලට සුදුසු නොමැති බවට මෙරට බිත්තර සංගම් සහ අනිකුත් සංවිධාන මඩ ප්රචාර ගෙන ගියත් ඇත්ත වශයෙන්ම එම ආනයනික බිත්තර බේකරි කර්මාන්තයට ඉතා සුදුසු බව සමස්ත ලංකා බේකරි හිමියන්ගේ සංගමයේ සභාපති එන්. කේ. ජයවර්ධන පවසයි .
ආනයනික බිත්තර බේකරි වලට සුදුසු නොමැති බවට ගෙන යන ප්රචාරය සම්බන්ධව කළ විමසීමකදී මේ බව ප්රකාශ කළහ සභාපතිවරයා එම බිත්තර බේකරි වලට සුදුසු නැති බව කීම අමූලික බොරුවක් බවත් රුපියල් ලක්ෂ ගණන් වියදම් කොට මෙරට බිත්තර සංගම් සහ සෙසු සංවිධාන මුල සිටම බිත්තර ආනයනය කිරීම කඩාකප්පල් කිරීමට ක්රියා කළ බවද ඉන් නොනැවතී දැන් බිත්තර සුදුසු නොමැති බවට ප්රකාශ කිරීම විශාල විහිළුවක් බවත් කීය .
වෙළඳ අමාත්යාංශය මගින් ඉන්දියාවෙන් බිත්තර ආනයනය කිරීමේ වැඩපිළිවෙළ ආරම්භ කළ දා සිට එම බිත්තර මෙරටට ලැබෙන තෙක් බේකරි හිමියන් මග බලාගෙන සිටි බවත් ප්රකාශ කරන ඔහු දැනට බිත්තර හිගයක් සමඟ වැඩි මිලට බිත්තර මිලදී ගැනීමට බේකරි වලට සිදුවී ඇති බැවින් ආනයනික බිත්තර යක් රුපියල් 35 , 40 , හෝ 50ට වුණත් ලබා දෙන්නේ නම් ගැටලුවක් නොවන බවද පැවසීය
