අමායා උඩුවැරැල්ල
වට්සැප් හරහා ආගමට අපහාස වන ආකාරයේ පණිවිඩ හුවමාරු කිරීමේ චෝදනාවක් මත පකිස්ථානයේ සිසුවෙකුට පාකිස්ථාන අධිකරණයක් විසින් මරණීය දණ්ඩනය නියම කර තිබෙනවා.
පාකිස්තානයේ ෆෙඩරල් විමර්ශන ඒජන්සිය (FIA) මඟින් මෙම 22 හැවිරිදි සිසුවාට එරෙහිව 2022 වසරේ දී නඩුව පවරා තිබෙන අතර එම නඩුවට අදාළව 17 හැවිරිදි තවත් සිසුවෙකුට ද ජීවිතාන්තය දක්වා සිර දඬුවම් නියම වී තිබෙනවා. ඔහුට මරණ දණ්ඩනය නියම නොවී තිබෙන්නේ බාල වයස්කරුවෙකු වන නිසා බව ද සඳහන් වනවා.
පාකිස්ථානය තුළ දෙවියන් ඇතුළු ආගමට අදාළ යැයි සැලෙකන දෑ වෙත අගෞරවයක් වන පරිදි ක්රියා කිරීම නැතහොත් ඒ සම්බන්ධව අපහාසාත්මක ප්රකාශ සිදු කිරීම මරණීය දණ්ඩනය ලැබිය හැකි වරදකි. මීට පෙර සිදුව තිබූ මෙවැනි නඩු වලදී එම නඩු විභාගයට ගැනීමට පෙර පවා අපරාධය සම්බන්ධයෙන් චෝදනා එල්ල වූ පුද්ගලයන් අන් අය විසින් ඝාතනය කරන ලද තොරතුරු වාර්තා වී තිබෙනවා.
විදෙස් මාධ්ය වාර්තා කරන ලෙස සිසුන් ගේ දෙමාපියන් පවසා ඇත්තේ මෙම තීන්දුවට එරෙහිව ඉහළ අධිකරණයක අභියාචනයක් ඉදිරිපත් කරන බවයි. වැඩිදුරටත් ඔවුන් පවසා සිටින්නේ තම දරුවන් බොරු නඩුවලට කොටු කර ඇති බවයි.
