ත්රෛනිකායික මහ නාහිමිවරුන් විසින් පසුගිය 20 වනදා ජනාධිපති ගෝඨාභය රාජපක්ෂ වෙත යොමු කළ ලිපියට අස්ගිරි මහ නාහිමියන් තම අත්සන තබා ඇත්තේ කැමැත්තෙන් ම බව අවධාරණය කරමින් අස්ගිරි මහා විහාරය නිවේදනයක් නිකුත් කර තිබේ.
අස්ගිරි පාර්ශවයේ අතිපූජ්ය මහ නාහිමියන්ගේ අත්සන ව්යාජ ලෙස යොදාගෙන අත්සන අවභාවිත කළේ යැයි ඕමපල්පේ සෝබිත හිමිට එරෙහිව ප්රජාතන්ත්රවාදී එක්සත් ජාතික පක්ෂය නැමැති කණ්ඩායමක් අපරාධ පරීක්ෂණ දෙපාර්තමේන්තුවට යොමුකළ පැමිණිල්ලත් සමග සමාජයේ ඇතිවූ විසංවාදය නිවැරදි කරමින් අස්ගිරි මහා නායක හිමියන්ගේ පෞද්ගලික ලේකම් වන ආචාර්ය මුරුද්දෙණියේ ධම්මරතන නා හිමියන් විසින් මෙම නිවේදනය යොමු කර ඇත.
මේ පැමිණිල්ල අපරාධ පරීක්ෂණ දෙපාර්තමේන්තුවට කළ පාරශවය හෝ වෙනත් කිසිදු කණ්ඩායමක් මෙම කරුණ සම්බන්ධයෙන් අතිපූජ්ය මහ නාහිමියන්ගේ කාර්යාලයෙන් කිසිදු විමසීමක් කර නැතැයිද අදාල නිවේදනයේ දැක්වේ.
නිසි පරිදි විමසීමකින් තොරව එවැනි කරුණු සමාජගත කිරීම බරපතල වරදක් පෙන්වා දෙමින් අස්ගිරි මහා විහාරය නිකුත් කළ නිවේදනය පහත දැක්වේ.
දෙන්නේ.වර්තමානයේ රටේ පැණනැගි ඇති සමාජ, ආර්ථීක හා දේශපාලන අර්බුදය වහා සහනය කිරීම සදහා අවශ්ය උපදේශ ලබාදෙමිනුයි පසුගියදා අදාළ ලිපිය ත්රෛනිකායික මහා නා හිමිවරුන්ගේ අත්සන් සහිතව ජනාධිපතිවරයා වෙත යොමුකර තිබුණේ.
ත්රෛනිකායික මහානායක හිමිවරුන්ගේ මගපෙන්වීම යටතේ මහා සංඝ සමුලුවක් කොළඹ බෞද්ධ මහා සම්මේලනයේ පැවැත්වෙන දිනයේම මෙම ලිපිය නිකුත් කර තිබීම විශේෂත්වයකි.
