යොහාන් භාසුර සහ අංජුල මහීක වීරරත්න –
මහරගම අපේක්ෂා රෝහලේ සායන රෝගීන්ට බෙහෙත් නිකුත් කරන කවුන්ටර අද (23) දහවල් හිටිහැටියේ වසා දැමීමෙන් පිළිකා රෝගීහු දැඩි අපහසුතාවට පත්වූහ.
පස්වරු 1.00 ට පමණ හිටිහැටියේ වසා දැමූ කවුන්ටර පැය දෙකකට අධික කාලයකට පසුව පස්වරු 3.30 ට පමණ නැවත විවෘත කළ බවත් එහිදී කවුන්ටර පහෙන් දෙකක් පමණක් විවෘත කළ අතර ඊටත් පසුව තවත් කවුන්ටරයක් විවෘත කළ බවත් රෝගීහූ පවසති.
පැය දෙකකට අධික කාලයක් පෝලිමේ හිටගෙන සිටි රෝගී කුඩා දරුවන් ඇතුළු කීපදෙනෙක් පීඩනය දරාගැනීමට නොහැකිව අපහසුතාවට පත්වූ බවත් දුරබැහැර ප්රදේශවල සිට සායනයට සහභාගි වී සිටි ඇතැම් රෝගීන් උදේ සහ දහවල් ආහාර වේල දෙකම නොමැති වීමෙන් දැඩි අපහසුතාවට පත්වූ බවත් රෝගීහූ පැවසූහ.
එම පෝලිමේ සිටි ඇතැමුන් පෙර දින බදුල්ල, මොනරාගල, යාපනය ආදි දුරබැහැර ප්රදේශවලින් පිටත් වූ පුද්ගලගයන් වූ අතර ඔවුන් මෙසේ නිකරුණේ පෝලිමේ රැදී සිටීම මහත් පීඩනයට පත්ව සිටි බව කී රෝගීන් ඇතැමුන් අද පාන්දර රෝහලට පැමිණ නිදාසිටීමෙන් අනතුරු සායකනයට සහභාගි වූ අය බව ද සදඟන් කළේය.
බෙහෙත් නිකුත් කරන නිලධාරීන් කුමන කටයුත්තකට සහභාගි වූයේ ද යන්න කිසිවෙක් රෝගීන් දැනුවත් නොකළ බවත් රෝහල් පරිශ්රය ඉහළ මාලයකින් සංගීත නාදයක් ඇසුණු බවත් රෝගීයකු සමඟ පැමිණි ඥාාතියෙක් පැවසීය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
ලංකාදීප –
