ශ්රියානි විජේසිංහ –
-
මිනිසාගේ ප්රතිශක්තිකරණය මගහරමින් කලින් වාර්තා නොවූ විකෘතිතා දෙකක් සහිතව වෛරසය රතිනිර්මාණය වූයේ කෙසේද යන්න සොයා බැලිය යුතුයි..
වසර 16ට පසුව ශ්රී ලංකාව තුළ වසංගතයක් ලෙස පැතිර යන චිකන්ගුනයා වෛරසය ඒඩීස් ඊජිප්ටයි මදුරු විශේෂය (නාගරික ප්රදේශවල බහුලව දක්නට ලැබේ) හරහා සම්ප්රේක්ෂණය වැඩිකරන බවත් කලින් වාර්තා නොවූ විකෘතිතා දෙකක (nsP3:T224I සහ nsP4:S90A) මෙම වෛරසය තුළ පවතින බවත් ශ්රී ජයවර්ධනපුර විශ්ව විද්යාලයේ අසාත්මිකතා හා ප්රතිශක්ති විද්යාව සහ සෛල ජෛව විද්යාතනයේ අධ්යක්ෂ මහාචාර්ය චන්දිම ජීවන්දර සඳහන් කරයි.
මෙම වෛරසය මිනිසාගේ ප්රතිශක්තිකරණය මගහැරීම හා වෛරසය මදුරුවා තුළ ප්රතිනිර්මාණය වූයේ කෙසේද යන්න පිලිබඳව සොයා බැලිය යුතු බව මහාචාර්යවරයා පවසා සිටියි.
අසාත්මිකතා සහ ප්රතිශක්තිකරණ ආයතනයේ සිදු කරන ලද ඔවුන්ගේ පර්යේෂණවලින් හෙළි වන්නේ දැනට සංසරණය වන චිකන්ගුන්යා වෛරසය 2006 – 2008 මෙරට පැතිර ගිය වෛරසය නොවන බවයි.
වසර 2024 දෙසැම්බර් සිට 2025 අප්රේල් මාසය දක්වා කාලය තුළ වාර්තා වු උණ රෝගීන් 65 දෙනෙකු යොදා ගනිමින් කළ පර්යේෂණයේදී සියයට 35.4 චිකන්ගුන්යා රෝගයට ගොඳුරු වී ඇති අතර සියයට 10.8 දෙනෙකු ඩෙංගු රෝගයට ගොඳුරු වී ඇතැයි හෙලිවිය.
මෙම පර්යේෂණයෙන් තහවුරු වී ඇත්තේ නියදි 6 කට සියයට 70ට වැඩි ජානමය ආවරණයක් තිබි ඇති බවය.
මෙහිදී සියලුම චිකන්ගුන්යා රොගීන් උණ, සන්ධිවේදනාව, සහ මාංශපේශී වේදනාව වාර්තා කර ඇතැයි මහාචාර්ය ජීවන්දර පවසා සිටියි.
වසර 2017 සිට වසංගතයක් ඇති නොකර වෛරසයේ අඩු මට්ටමේ සංසරණය තිබියදී වසංගතය ලෙස මෙය පැතිර යන්නේ කෙෙස්ද යන්න පිලිබඳව වැඩිදුරටත් සොයා බැලි යුතු බව හෙතෙම පෙන්වාදේ.
