ලලිත් චාමින්ද –
පොහොර හිඟය ඇතුළු සැපයුම් අංශයේ දැඩි අවහිරතා හේතුවෙන් වසර හයකට පමණ පසු මෙරට අඩුම වී නිෂ්පාදනය ඉකුත් වර්ෂයේ දි (2022) වාර්තා වි ඇති අතර වි නිෂ්පාදනය මෙට්රික්ටොන් මිලියන 3.4 ක් දක්වා සියයට 34.1කින් පහළ ගොස් ඇති බැව් ශ්රි ලංකා මහ බැංකුව පවසයි. මීට ඉහත එවැනි අඩුවීමක් වාර්තා වී ඇත්තේ වර්ෂ 2017 දී ය.
එම වාර්තාව අනුව 2021/2022 මහ කන්නයේ දි මෙරට වි අස්වැන්න සියයට 36.9කින් ද 2022 යල කන්නයේ දි වි අස්වැන්න සියයට 30.0කින් පහළ ගොස් ඇත.
පොහොර සහ යෙදවුම්වල හිගය හේතුවෙන් වි නිෂ්පාදනයේ සාමාන්ය පලදාව 2021 වර්ෂයේ දි වාර්තා වු හෙක්ටයාරයකට කිලෝග්රැම් 4571ට සාපේක්ෂව 2022 වර්ෂයේ දි හෙක්ටයාර එකකට කිලෝග්රැම් 3,045 දක්ව පහලගොස් තිබුනි.
2022 වර්ෂයේ සමස්ත වි නිෂ්පාදනය සහල් මෙට්රික්ටොන් මිලියන 2.1කට සමාන වි ඇති අතර එය ගෘහස්ත සහල් ඉල්ලුමෙන් මාස 11ක් සදහා පමණක් ප්රමාණවත් බවද මහ බැංකු වාර්තාවේ සදහන් වේ.
