සූරියවැව නුවන් ජයසේකර –
-
ඔළුව එක තැනක වලදමා කඳ කොටස වෙනත් තැනක දමා ගිහින්. පොලිස් විමර්ෂණ වලදි අයාලේ ගිය සුනඛයෙකු ඝාතනය කෙරුණු සිරුර හා වලදමා තිබූ ඔළුව සොයා දෙයි.
තණමල්විල පොලිස් බල ප්රදේශයට අයත් හම්බෙගමුව සූරියගොඩ ප්රදේශයේ පදිංචි කාන්තාවක හා බලහරුව ප්රදේශයේ පදිංචි පුද්ගලයෙකු එක්ව තණමල්විල, අරඹෙකෙම පදිංචි පුද්ගලයෙකු කොස්ලන්ද ප්රදේශයේ කැලෑවට රැගෙන ගොස් ගෙලකපා ඝාතනය කර වල දමා තිබියදී තණමල්විල මූලාස්ථාන පොලිසිය විසින් ඊයේ (22) දහවල් සොයාගෙන තිබේ.
මෙලෙස ඝාතනයට ලක්ව ඇත්තේ තණමල්විල අරඹෙකෙම පදිංචි රොෂාන් දිනුක නැමති 35 හැවිරිදි අවිවාහක පුද්ගලයෙකි.
හම්බෙගමුව අරඹෙකෙම පදිංචි රණසිංහ ආරච්චිගේ කාන්ති ඉන්ද්රානි නැමති අය විසින් පසුගිය 18 වන දින තණමල්විල පොලිසියට පැමිණි සිය පුත්රයා දින කිහිපයක් තිස්සේ ආගිය අතක් නොමැති බවට පැමිණිල්ලක් සිදුකර තිබේ. එහිදි සිය පුත්රයා හම්බෙගමුව සූරියගොඩ ප්රදේශයේ පදිංචි කාන්තාවක සමග අනියම් සබධාතාවයක් පවත්වාගෙන ගිය බවද පැමිණිල්ලේ සඳහන් කර ඇත.
ඒ අනුව තණමල්විල මුලස්ථාන ප්රධාන පොලිස් පරික්ෂක එම්.පී.බණ්ඩාර ඇතුළු නිළධාරීන් කණ්ඩාමක් විමර්ශනය ආරම්භ කෙරුණි. ඒ අනුව අදාල කාන්තාවගේ නිවසට ගොස් මේ පිළිබඳව ප්රශ්න කර තිබේ. එහිදි එම කාන්තාව පොලිසියට පවසා ඇත්තේ ඝාතනයට ලක් වු පුද්ගලයාගේ කැබ් රථය තම නිවසේ තවතා ගිය බවත්, යන ස්ථානයක් පිළිබදව කිසිවක් නොකීව බවත්ය.
ඒ අනුව තණමල්විල පොලිසිය වැඩිදුරටත් සිදුකළ විමර්ශනවලදී අනාවරණය වුයේ මෙම කාන්තාවට බලහරුව ප්රදේශයේ තවත් අනියම් සැමියෙකු සිටින බවය. ඝාතනයට ලක් වු පුද්ගලයා එම පුරුෂයා සමග යතුරු පැදියකින් කොස්ලන්ද දෙසට යනු දුටු බවට සාක්ෂි ලැබි තිබිණි. ඒ අනුව පොලිසිය යළිත් එම කාන්තාව පොලිසියට ගෙන්වා සිදුකළ ප්රශ්න කිරීමේදී එම කාන්තාව විසින් අනෙක් අනියම් සැමියාගේ තොරතුරු ලබා දි තිබේ.
එම කාන්තාවගේ ප්රකාශ අනුව බලහරුව පදිංචි 46 හැවිරිදි පුද්ගලයා අත්අඩංගුවට ගෙන ප්රශ්න කර ඇත. එහිදී එම සැකකරු පොලිසියට පවසා ඇත්තේ මෙම කාන්තාව සමග තමන්ගේ අනියම් සබධතාවයක් පවතින බවත්, ඝාතනය කෙරුණු පුද්ගලයාගෙන් ඇයට කරදර තිබූ බවත්ය. එම කාන්තාවගේ ඉල්ලීම පරිදි මරණකරු සමග සුහදත්වයක් ගොඩනගාගෙන කොස්ලන්ද ප්රදේශයේ ගංජා හේනක් සකස් කිරිමට බව පවසා රැගෙන ගොස් කැලය තුළදි කැත්තකින් ගෙල කපා ඝාතනය කල බව ඔහු පැවසුවේය.
ඔහු ඝාතනය කිරීමෙන් පසු ඔළුව කදින් වෙන් කර වෙනම ස්ථානයක වල දැමූ බවත් සිරුරේ ඉතිරි කොටස ඇලක් ආසන්නයේ දමා ගිය බවත් තමන් රැගෙන ගිය කැත්ත හා උදැල්ල කැලයේ සඟවා ආ බවත් සැකකරු පවසා තිබේ.
ඒ අනුව සැකකරුගේ මගපෙන්වීම මත ඝාතනයට ලක් වු පුද්ගලයාගේ සිරුර සොයා ගැනීමට පොලිසිය කොස්ලන්ද ප්රදේශයට ගොස් තිබේ. පොලිස් නිළධාරීන් කොස්ලන්ද ප්රදේශයේන් කිලෝ මීටර් 08ක පමණ දුරක් කැලෑව තුළට ගොස් ඇත. මේ සදහා පොලිසිය පා ගමනින් ගමන් කිරීමේදි අසල සිටි සුනඛයෙකුද පසුපසින් පැමිණ තිබේ. එහිදී සැකකරුටද අදාල ස්ථානය සොයාගැනිමට අපහසු වු නමුත් පොලිස් නිළධාරීන් හා පසුපසින් පැමිණි සුනඛයා විසින් ඝාතනය කර දමා සිටි පුද්ගලයාගේ සිරුර හා වල දමා තිබූ ඔළුව කොටස මෙන්ම කැලයේ සගවා තිබූ කැත්ත හා උදැල්ලද සොයා ගැනීමට උපකාර වී තිබේ.
ඒ අනුව සැකකාර අනියම් බිරිය හා බලහරුව පදිංචි සැකකරු සමග යුතුරු පැදිය හා කැබ් රථය පොලිස් අත්අඩංගුවට ගෙන තිබේ. අත්අඩංගුවට පත් පුද්ගලයන් සම්බන්ධයෙන් මුලික විමර්ශන තණමල්විල පොලිසිය මගින් සිදුකිරීමෙන් අනතුරුව වැඩිදුර විමර්ශන කයුතු සදහා සැකකරු හා සැකාරිය කොස්ලන්ද පොලිසිය වෙත බාර දී ඇත. සැකකරු හා සැකකාරිය බණ්ඩාරවෙල මහේස්ත්රාත් අධිකරණයට ඉදිරිපත් කිරීමට නියමිතය.
